Posted on

काय लिहाव  तिच्याबद्दल- रवींद्र पाटील

28+

काय लिहाव  तिच्याबद्दल …
ती बरसणाऱ्या पावसाची रिमझिम धून आहे ……
कि कडाडत्या थंडी मधलं कोवळ कोवळ ऊन आहे……
ती आहे दुखा:तल  माझ्या डोळ्यातलं पाणी ,
कि सुखामध्ये ओठांवर आसुसलेली मंजुळ गाणी …।
ती चिमण्यांचा चिव चिवाट आहे
कि निखळ वाहत जाणाऱ्या नदीचा खळखळाट आहे ……।
ती आहे अंगणभर माझ्या पसरलेलं मोहक चांदण
कि माझ्या रागावर नियंत्रण असलेलं तिच्या नावच गोंदण ……।
ती आहे क्षितीज्यावर पसरलेलं सुर्याच किरण ….
कि जगायचं कस याच नेमक उदाहरण ……….
आहे ती एक शक्ती जी माझ्या घराला घरपण देते ….
ती आहे तो शब्द ज्यामुळे माझी कविता जन्माला येते ……!!

काय लिहाव तिच्याबद्दल ….
ते अक्षर जर नसेल तर बाराखडी लंगडी आहे ,
तीच तर माझ्या एकटेपणात माझी खरी सवंगडी आहे ………
मी नाही म्हणत कि ती प्रत्येक वेळी माझा श्वास… श्वास होतो ….
कारण मुलगी आहे याचा फक्त आपल्याला भास होतो….

काय लिहाव तिच्याबद्दल ….
ती माझ्याकडे महागडी खेळणी ,नवीन नवीन कपडे ,
मॉल मध्ये फिरणं किवा वेगवेगळे मोबाईल नाही मागत …।
नाहीच तिला पुष्कळ असा पैसा आपल्या स्वतावर उधळायला हवा …
तिला फक्त मी तिच्यासोबत काही काळ  खेळायला हवा …।

आणि तरी मी म्हणतो ….
नाही बाळा  काम आहे …कामामध्ये हरवून गेलोय …
नाही काम केल तर कस चालेल …असे नाईलाजाने उत्तरे देत आलोय …
आणि उत्तरे देवूनही आज मी तिच्यासमोर खरच निरुत्तर झालोय ….
पण खोटी खोटी का होईना ती मला सहानभूती देते …।
नाही पप्पा  मी तुम्हाला पुर्णपणे  समजून घेते ….
पण तरीही …. ती डोळे बंद करून रडत बसते ….
कुशीत झोपल्यावर माझ्या स्वप्नातही माझ्याशी खेळत बसते …।
आयुष्य का अस धावपळीत गुरफटून निघून जातं  …
आणि आपण म्हणतो कि आपल्या मुळीच मनन सार काही समजून घेतं ….!!

रवींद्र पाटील

 

28+