मुकेश माचकर

Showing all 2 results

  • १०१ गोष्टींचा खजिना

    Sale! 70.00 50.00

    या कथा माझ्या नाहीत, तरी त्या माझ्याच आहेत…

    या पुस्तकातल्या कथा कोणा एकाच एका लेखकाच्या नाहीत,… एका कथकाच्या नाहीत.… त्या खरंतर सगळ्यांच्या आहेत…. जगाच्या सामूहिक सांस्कृतिक संचितात शेकडो वर्षांपासून समाविष्ट आहेत. कोणती कथा कोणत्या देशात उगम पावली आणि कुठून कुठे कशी पोहोचली, हे पाहणंही मनोरंजक ठरावं, असा तिचा चित्तथरारक प्रवास असतो. आज कोणी इसापची गोष्ट आपल्या नावावर खपवली, तर लोक ओळखून सांगतात- पण, मुळात इसापच्या गोष्टीच त्याने लुकमानकडून घेतल्या होत्या, त्याचं काय?

    माझ्या बाबतीत या गोष्टींची सुरुवात झाली ओशोमुळे. त्याच्या व्याख्यानांच्या (बुवाबापूमाँबाबा, डबलश्री आणि ट्रिपलवेडगळांच्या निरर्थक बरळण्यालाही प्रवचन म्हणतात, त्यामुळे तो कर्मकांडलिप्त शब्द ओशोच्या सुंदर व्याख्यानांना वापरवत नाही) एमपीथ्रींनी मॉर्निंग वॉकला सोबत करायला सुरुवात केली आणि या गोष्टीही मनात वस्तीला आल्या. ओशोने त्याच्या बहुतेक व्याख्यानांमध्ये पेरलेल्या या खुसखुशीत भाषेतल्या, सोप्या भासणाऱ्या पण गहन, बहुपेडी अर्थाकडे निर्देश करणाऱ्या गोष्टींनी मन वेधून घेतलं. मला लहानपणी गल्लीतली पोरंटोरं गोष्टीवाला दादा म्हणून ओळखत होती, याचीही आठवण झाली. लहानपणी मुलामुलींचं कोंडाळं गोळा करून तासन्तास हुकमी गोष्टी आठवून किंवा रचून सांगण्यात पटाईत होतो. ती उबळ ओशोने पुन्हा जागृत केली…..

    हे ईबुक वाचणाऱ्यांना त्यांच्या जगण्याच्या धामधुमीत चार विरंगुळ्याचे, निखळ मनोरंजनाचे क्षण मिळोत, एवढीच अपेक्षा.

    मुकेश माचकर


  • हसा लेको

    Sale! 60.00 40.00

    मुकेश माचकर
    ‘महाराष्ट्र टाइम्स’मध्ये मुकुंद शिरगावकर, पंचम, मुन्ना, बित्तमबाज, अनंत फंदी आदी अनेक नावांनी विविध विषयांवर सदरलेखन केल्यानंतर मुकेश माचकर यांनी ‘हसा लेको’ या हास्यकथांच्या दैनिक सदरासाठी मामंजी हे टोपणनाव घेतलं आणि ते कालनिर्णयच्या दिवाळी अंकातून गेली १६ वर्षं नियमित वाचायला मिळतं आहे.

    शैक्षणिक-व्यावसायिक कारकीर्द
    फर्गसन कॉलेज, पुणे येथून अर्थशास्त्राची पदवी
    पुणे विदय़ापीठाच्या वृत्तपत्रविद्या आणि संज्ञापन विभागातून पत्रकारितेची पदव्युत्तर पदवी
    मार्केट मिशनरीज या जाहिरात संस्थेत कॉपीरायटर
    1993पासून पत्रकारितेत कार्यरत.
    केसरीमध्ये उपसंपादकपदापासून सुरुवात.
    महाराष्ट्र टाइम्समध्ये १५ वर्षांच्या कारकीर्दीत उपसंपादक, वार्ताहर, चित्रपट समीक्षक, मुख्य उपसंपादक, पुरवणी संपादक, सहायक संपादक ही पदे भूषविली.
    ‘प्रहार’ या दैनिकाची पायाभरणी करण्यात मोठा सहभाग. निवासी संपादक आणि सहयोगी संपादक
    ‘मी मराठी लाइव्ह’ या दैनिकाचे संपादक
    ‘बिगुल’ या महाराष्ट्रातल्या पहिल्या मत-पोर्टलचे संपादक.

    लेखन कारकीर्द
    वर्तमानपत्रांमध्ये चित्रपट, राजकीय-सामाजिक घडामोडींवर चौफेर लेखन
    ‘महाराष्ट्र टाइम्स’च्या चित्रपट परीक्षणांमधून महाराष्ट्रभर निर्माण झालेली ओळख
    ‘मामंजी’ या नावाने हास्यकथांचे लोकप्रिय स्तंभलेखन
    राजकीय, सामाजिक विषयांचा तिरकस वेध घेणारी लेखणी.
    सोशल मीडियावर सजग वावर.
    फेसबुकसारख्या माध्यमातील लेखनाच्या क्षमता जोखण्यासाठी धक्कथा आणि दृष्टांतकथांचं लेखन
    ई-लिट या प्रकाशनसंस्थेच्या माध्यमातून ई-प्रकाशनात प्रवेश

    पुस्तकसंपदा
    ‘हसा लेको’ हा हास्यकथा संग्रह,
    ‘काय म्हणता राव’ हा अनवट म्हणींच्या माध्यमातून सामाजिक संदर्भांचा वेध घेणारा संग्रह,
    ‘आर. डी. बर्मन जीवन-संगीत’ हा राष्ट्रीय पुरस्कारविजेत्या सांगितिक चरित्राचा अनुवाद
    ‘अक्कलझाड’ हा दृष्टांतकथांचा पुस्तकसंच


Showing all 2 results