मराठी

Showing 51–60 of 78 results

  • मनातली पत्रंं

    99.00

    जीवातून भेटलेल्या सर्वच सुहृदांना. नाती गोती, ओळख पार करून आपण भेटलो इथे. सोशल मीडियावर. काहीतरी छान करण्याच्या माझ्या कल्पनेला उचलून घेतलेले तुम्ही सारेच शिलेदार झालात. या कामाला खूप सुरेख वृत्तीची साथ लागते ती तुम्हा सर्वांकडे भरपूर आहे. एक से एक दुर्मिळ रत्ने या समूहात सुंदर नांदतात हे पाहणेच स्वर्गसुख देते.

    हे रेशमी ऋणानुबंध आता मनातली पत्रे. साकार करत आहेत. पुस्तक रूपात हे तयार होतच आहे शिवाय. हा उपक्रम ब्रोनॅटो डॉट कॉम तर्फे जगभर जाणार ई बुक माध्यमातून. नवोदितांना ही कायमची सुरेख आठवण होतेय जपायला आणि मुरलेल्यांना एक अधिक पुस्तक रूप. हे रूप चिरंतन राहील किंडल आणि गुगलवर. ही छान गोष्ट. नातेवाईक, ओळखीच्यांना मानाने देऊ शकाल असे एक प्रतीक साकार करू आणि गुंफत राहू. जाणिवांचे आकाश. शब्दांतून.

    भूतां परस्परे जडो मैत्र जीवांचे.

    तुमची
    संगीता शेंबेकर

  • माझे अंतरंग

    लेखकाच मनोगत 

    म्हणतात ना लोणचं जेवढ जुन तेवढ ते जास्त मुरत आणि जास्त चवदार होत. कदाचित लिखानाच्या बाबतीतही तसच असाव. २००३ पासुन लिखानाला सुरुवात केली. वही, डायरी,Orkut Community, ब्लॅाग, फेसबुक पेज, गृप असा प्रवास आता तब्बल १४ वर्षानंतर येवुन पोहोचलाय ई बुक पर्यंत. पहिल पुस्तक प्रकाशित करताना कल्पना नव्हती नेमक पुस्तक कस असावं, डिजाईन कशी तयार करावी. विषय अगोदरच ठरला होता दुर्गवीर प्रतिष्ठान सोबतचे दुर्गसंवर्धन व दुर्गदर्शन बाबतचे सर्व हसरे, हळवे, मनाला चटके देणारे सर्व अनुभव मांडायचे. समिर शिंदे सारख्या मित्राने डिजाईन पासुन प्रिंट पर्यंत सर्व जबाबदारी अंगावर घेतली त्यामुळे मला लिखान, संपादन या गोंष्टिंवर लक्ष देवु शकलो. ब-याच जुन्या गोष्टिंची उजळणी करुन नव्याने मांडल्या. नुसती पान वाढविण्यापेक्षा थोडक्यात मुद्दा मांडायचा होता. प्रत्येक लेखातुन फक्त मी व्यक्त होण आवश्यक नव्हत तर तर वाचकाला काहि ना कहि द्यायचा प्रयत्न होता. प्रत्येक लेखातुन एक तर खळखळुन हसवायच किंवा गडाची किंवा समाजातील व्यवस्था मांडुन जागरुकता निर्माण करायचा प्रयत्न केलाय. प्रत्येक शब्द आजबाजुच्या घटनेला धरुन होता कुठेही अतिशयोक्ति नव्हती.

    जे जमल जितक जमल ते मांडल. उगाचच मोठ मोठ्या उपमांचा वापर करुन अलंकारीत पुस्तकापेक्षा जे मनात आल ते तुमच्या मनापर्यंत पोहोचविण्याचा माझा हा “चिंटुकला” प्रयत्न कसा वाटला ते नक्कि कळवा. तुमच्या प्रतिक्रिया माझ्यासाठी एक शिकवण असेल पुढच्या माझ्या इतर विषयांवरील प्रयत्नांसाठी.
    धन्यवाद
    जय शिवराय

    धिरज विजय लोके (दुर्गवीर चा धिरु)

  • मालवणी कथा

    नमस्कार मंडळी

    आज हे मालवणी कथा साहित्यरुपी पुस्तक तुमच्यापर्यत पोहोचलय याचं खूप मोठं कौतुक वाटतंय, आपली माय मराठी भाषा अन तिची लेकरं म्हणजे महाराष्ट्रात बोलल्या जाणाऱ्या बोलीभाषा, अन त्यात आपली जिवलग अशी ‘मालवणी’ भाषा .

    आज मालवणी भाषेतील साहित्य  सोशल मीडियाच्या माध्यमातून काही क्षणात जगापर्यंत पोचवू शकतो.पण त्या साहित्याला काही ठराविक वेळेपुरती प्रसिद्धी मिळत.फेसबुकवर अनेक मालवणी नवोदित लेखक ,लेखिका स्वतःहून मालवणी भाषेमध्ये नवनवीन कथा, इरसाल गजाली, कविता सादर करत असतात. काही कथा, कविता वर्तमानपत्र, मासिक मध्ये छापून येत असतात. मी जेव्हा फेसबुक सारख्या समाजमाध्यमावर आलो तेव्हा मालवणी भाषा एवढी वापरली वाजत नव्हती, एव्हाना ती नजरेत हि पडत नव्हती.पण गेले काही वर्षे सिंधुदुर्ग, कोकण मधला नेटप्रेमी तरुण वर्ग फेसबुक वर निःसंकोचपणे मालवणी भाषेतून व्यक्त होऊ लागला. आज मालवणी भाषा व त्या संलग्न फेसबुक ग्रुप वर २५०००+ ते १ लाखाहुन अधिक सभासद दिसून येतात.

    तर दुसरीकडे ट्विटर सारख्या नवख्या माध्यमातून मालवणी भाषेतून व्यक्त होण्याची संधी मला मिळाली, याच ट्विटर मला मराठी भाषा अन बोलीभाषा यासाठी झटत असलेल्या शैलेश खडतरे नावाच्या मित्राची ओळख झाली ..

    सातारा, कोल्हापूर, पुणे, मुंबई,बीड, नगर सारख्या विविध विभागातील  मित्रांपर्यत मला मालवणी भाषा पोचवता आली. मराठी भाषा जतन करताना प्रथम बोलीभाषा जपली गेली पाहिजे याच उद्देशाने Bronato.कॉम यांच्या सहकार्याने सोशल मीडियाच्या माध्यमातून पहिली #मालवणी कथा स्पर्धा घ्यावी असं आम्ही ठरवलं अन  त्याला तुम्हा सगळ्यांचा  उत्स्फूर्त प्रतिसाद ही लाभला

    मालवणी भाषेतल्या नवोदित लेखकांच्या चांगल्या गोष्टींचे असे रूपांतरीत ईबुक रुपी  साहित्य  वाचकांना नक्कीच आवडेल. मालवणी भाषेतील  एक अत्यंत महत्त्वाचा कथासंग्रह  ‘bronato.com ’तर्फे प्रकाशित केला जातोय ही आनंदाची आणि अभिमानाची बाब आहे.

    सदर पुस्तकातील कथांचे परीक्षण नामांकित मालवणी लेखक श्री- प्रभाकर भोगले यांनी केले आहे. तर शैलेश खडतरे यांच्या अमूल्य सहयोगाने हे गुगल प्ले बुक वर उपलब्ध असणार आहे ..

    मालवणी कथा संग्रह मी आमचे सगळ्यांचे लाडके ,ज्यांनी खऱ्या अर्थाने मालवणी जगप्रसिद्ध केली त्या मालवणी सम्राट श्री- मच्छिंद्र कांबळी यांच्या पुण्य चरणी अर्पण करतोय ..

    बापूजी तुम्ही होतास म्हणून आम्ही आज मालवणी हक्काने जगापर्यंत ओरडून सांगू शकताव.. देवा गणपती बाप्पा आणि रवळनाथा आमच्या हातून अशीच मालवणी ची सेवा होयत रव्हानंदेत हीच प्रार्थना …

    तुमचोच  मालवणी झिलगो
    नितीन नाईक

  • मी पुन्हा येईन- साईनाथ टांककर

    Sale! 150.00 100.00

    मनोगत

    आज ‘मी पुन्हा येईन’ हा ई-कवितासंग्रह तुम्हा वाचकांच्या हाती देताना खूप आनंद होतो आहे. कविता हे माझे पहिले प्रेम. २००९ साली ‘स्पर्श’ आणि २०१२ साली ‘मना-तले काही’ हे दोन काव्यसंग्रह प्रकाशित झाले. त्यानंतर काही काळ माझे कवितांकडे दुर्लक्ष झाले. मी कथा, एकांकिका, नाटक या साहित्यप्रकाराकडे वळलो. नाटकात कविता असायच्या पण मुक्तछंद कविता लिहिल्या जात नव्हत्या. त्यातही नोकरी आणि संसार यात लिहायला फार कमी वेळ मिळत होता.

    मार्च महिन्यात अचानक करोनाचे संकट आले आणि घड्याळावर चालणारे आयुष्य थांबले. काही निवांत वेळ मिळाला आणि माझे मन जुन्या प्रेमाकडे वळले. या कवितासंग्रहातील ७०% कविता लॉकडाऊन काळात लिहिल्या गेल्या. आता प्रश्न होता त्या प्रकाशित करून रसिकांपर्यंत पोचवण्याचा. यादरम्यान जगाचे समीकरण बदलले. सिनेमा सिनेमागृहात नाही तर ऑनलाईन प्रदर्शित होऊ लागला. मिटिंग कॉन्फरन्सद्वारे होऊ लागली. त्यामुळे मी पुस्तक ऑनलाईन प्रकाशित करण्याचे ठरवले. यामुळे माझे ई-पुस्तक जगात जिथे कुठे मराठी रसिक आहे तिथे काही क्षणात त्यांना उपलब्ध होईल. त्यात मला Bronato.com चे सर्वेसर्वा शैलेश खडतरे आणि त्यांच्या टीमने मदत केली. अत्यंत कमी वेळात त्यांनी हे ई-पुस्तक प्रकाशित केले. त्याबद्दल मी त्यांचे आभार मानतो.

    मी कविता लिहिताना कठीण शब्द व गंभीर आशय घेत नाही. सोपे शब्द, साधी मांडणी, विषयातील विविधता व सामान्य माणसाच्या मनातील भावना यामुळे तुम्ही कविता वाचताना एकरूप व्हाल अशी अपेक्षा करतो. हे पुस्तक तुम्हाला निखळ आनंद देईल याची मला खात्री आहे.

    आपल्या प्रगतीत आपल्या कुटुंबाचा खूप मोठा हात असतो. हे ई-पुस्तक मी माझ्या आई-बाबा व माझी मुलगी मन्वीला समर्पित करतो. मी पुन्हा येईन ह्या काव्यसंग्रहाला वाचताना वयाचे बंधन नाही. मराठी कवितांवर प्रेम करणारी प्रत्येक व्यक्ती या काव्यसंग्रहाशी जोडली जावी हीच माझी अपेक्षा आहे.

    जर हा कवितासंग्रह तुम्हाला आवडला आणि मला अपेक्षित यश मिळाले तर तुम्हाला वचन देतो की नवा कवितासंग्रह घेऊन- ‘मी पुन्हा येईन’.

    कवितासंग्रहाचा अभिप्राय नक्की कळवा.

    – साईनाथ सुरेश टांककर

  • मुंबईतील आद्य शक्तिपीठे

    Sale! 150.00 100.00
  • मुंबईतील पुरातन शिवमंदिरे

    Sale! 150.00 100.00
  • मेमरीस्ट्रा

    225.00

    मित्रहो… आणि मैत्रीणींनो…

    बालपणातच खरं तर आपण जीवन सत्यत्वाने पाहत असतो…जसं आहे तसंच…!
    नंतर त्यात अनेक रंग मिसळतात ज्ञानाचे… अनुभवांनी प्रदूषित दृष्टिकोनांचे…
    आणि हे मिसळ भेसळ असलेले रंग एका टप्प्यावर खोटे वाटू लागतात…

    तेव्हा पुन्हा आठवतं ते निर्मळ बालपण… ते तेच सत्य होतं… कारण त्या तरल
    अनुभवांची वीण घट्ट असते अजून मनात…

    लेखक – कवी म्हणजे आपल्यातलंच ते बालक असतं जे भरभरून उत्कटतेने जीवन
    जगताना कधीच कोणत्याच भूलथापांना बळी पडलेलं नसतं… ते त्या लाकूडतोड्या
    सारखं असतं… वनदेवीने दिलेल्या सोन्या-चांदीच्या कुऱ्हाडीत त्याला रस नसतो …
    तो जीवनरूपी वनाच्याच प्रेमात पडलेला असतो…!

    आपल्या शाळेच्या आपण सारेच प्रेमात होतो… तेच आपलं निर्मळ जीवन होतं…
    त्या जीवनात पुन्हा लॉंग इन झाल्याने सध्याच्या जीवनासाठी एक नवी ऊर्जा
    आणि एक सत्य दृष्टिकोन प्राप्त झाल्याने नक्कीच सुखी आणि शांत होऊ… आणि
    जुन्या सवंगड्यांच्या अधिक जवळ येऊ … वर्तमानात एक सुंदर भविष्य घडविण्याची
    ही नांदी या मेमरीस्ट्राच्या निमित्ताने आपल्या साऱ्यांना मिळाली आहे… तिचा पूर्ण
    उपयोग करून घेऊ…!

    हे नुसतेच भावमनोरंजन नसून…
    एक होडी आहे…
    शुध्द मनोभूमीवर पुन्हा एकदा नेणारी …!!!

    आपला
    बालक मित्र…

  • मैत्री: एक ड्राफ्ट भावनांचा

  • मोडी लिपी – शिका सरावातून

    299.00

    मनोगत
    नाइट कॉलेज, कोल्हापूरच्या मोडी वर्गामध्ये मोडी लिपी शिकत असताना एक बाब माझ लक्षात आली की, मोडी अक्षरे लिहिण्यास अवघड आहेत. त्या अक्षरांचा सराव असेल तरच ती लिहिता येऊ शकतात, हे लक्षात आल्यावर मी अक्षरे सरावासाठीचा कित्ता शोधला, पण तसे कित्ता पुस्तक उपलब्ध नाही, ही माहिती मोडीतज्ञाकडून मिळाली. पण मोडी लिपी शिकण्याठी सराव महत्वाचा आहे. मी संगणकावरील मोडी अक्षरांची प्रिंट काढून सराव केला व माझ्यापरीने सरावाचा प्रश्न सोडविला. सदरची बाब प्रा. अरुण शिंदे सरांच्या धनात आली. त्यांनी सुचवले की असे कित्ता पुस्तक नव्याने मोडी शिकणार्‍यासाठी गरजेचे व उपुक्त आहे. यातूनच असे कित्ता पुस्तक आपण लिहावे, अशी प्रेरणा माझ्या मनात निर्माण झाली. यासाठी मोडीचा माँट श्री लिपी (मॉड्युलर इन्मोटेक प्रा. लि., पुणे) यांच्याकडून तयार करून घेतला. पुस्तकासाठी काम करणची ही माझी पहिलीच वेळ असल्याने प्रत्येक गोष्ट नीटपणे समजून घेऊन, झपाटून कामास लागलो व अनेक पातळ्यावर सतत काम करीत सदर कित्ता पुस्तक पूर्ण केले.
    सदरच्या पुस्तकात मराठी वर्णमालेबरोबर मोडी वर्णमाला आहे. तसेच मराठी अक्षरांचे इंग्रमजीतील पर्यायही दिले आहेत. अमराठी लोकांना मोडी लिपीचा परिचय होऊन त्यांना मोडी लिपीचे ज्ञान आत्मसात करण्यास इंग्रजी अक्षरांमुळे मदत होईल. इंग्रजीमधून मराठी अक्षर व त्या मराठी अक्षराची मोडी लिपीमध्ये लिहिण्याची पद्धत व सरावासाठी मोकळी जागा पुस्तकामध्ये दिलेली आहे. पुस्तकातील प्रत्येक मराठी शब्दाचे इंग्रजी भाषेत स्पेलींग दिले आहे. यामुळे अमराठी भाषिकांना या पुस्तकाद्वारे मोडी लिपी शिकण्यास मदत होईल. मराठीतील स्वर, व्यंजने, बाराखडी मोडी लिपीत कशी लिहावीत, हे सोप्या पद्धतीने समजावून दिले आहे. स्वर, व्यंजने व बाराखडीमधील कठीण अक्षरे यांचा जास्तीत जास्त सराव व्हावा म्हणून सरावासाठी रिकामी जागा दिली आहे. तसेच काना-मात्रा विरहित शब्द, काना-मात्रा असलेले शब्द, उकार-वेलांटी असलेले शब्द, त्यांचे इंग्रजी स्पेलींग व ते मोडी लिपीत कसे लिहावे हे दिले आहे. त्याच्यापुढे सरावासाठी जागा उपलब्ध आहे.

    काही मोडी अक्षरांचे मोडी लिपीत लिहिण्याचे विविध प्रकार दिलेले आहेत. मोडी लिपीमध्ये अनेक शब्दसंक्षेप वापरले जातात. त्यांचीही माहिती पुस्तकात आहे. मोडी लिपीची अक्षरे आपण सरावाने लिहू शकतो. पण पूर्वीचे ऐतिहासिक दस्तऐवज वाचताना आपल्याला बर्‍याच बाबींची काळजी घ्यावी लागते. मोडी लिपी वापरात असताना कोरे कागद असत. त्यामुळे कागदाच्या डाव्या बाजूपासून उजव्या बाजूपर्यंत एक शिरोरेषा काढून मोडीत लिहिण्यास सुरुवात केली जाई. मोडी लिपीत कोणत्याही प्रकारचे व्याकरणाचे नियम नसल्याने, ऐतिहासिक कागदपत्रांचे वाचन काळजीपूर्वक करावे लागते. लिहिलेल्या मजकुराचे तारतम्याने व संदर्भ समजून घेऊन वाचन केल्यास दस्तऐवजांचा अर्थ लागण्यास सोपे जाते.

    – नवीनकुमार माळी

  • यशपुष्प- डॉ. आशुतोष रारावीकर

    Sale! 150.00 100.00

    मी लिहिलेल्या विचारपुष्पांचं हे पुस्तक आज आपल्यापुढे सादर करतांना मला विलक्षण आनंद होत आहे. सागरमंथनातून मोती निघाले असं म्हणतात. ह्या पुस्तकातील मोती माझ्या विचारमंथनातून वर आले आहेत. ते अंत:प्रेरणेतून स्फुरलेले आहेत, मुद्दाम बनवलेले नाहीत. विचार हा मोठा आनंद असतो आणि आनंदाची देवाणघेवाण तर झालीच पाहिजे. कारण तो दिल्याने वाढतो. याच उद्देशाने ह्या पुस्तकाचं सादरीकरण करतो आहे. हे वाचतांना प्रसन्नतेचे काही तरंग आणि तुषार जरी आपल्या चित्ती फुलले आणि काही स्मितरेषा आपल्या चेहेऱ्यावर उमटून गेल्या तरी त्याचं सार्थक झालं असं मी समजेन.
    माझे वडील प्रा. डॉ. यशवंत रारावीकर हे ख्यातनाम अर्थतज्ज्ञ होते. ते सात्विकतेची आणि करुणेची मूर्तिमंत प्रतिमा होते. माझी आई प्रा. डॉ. सौ. अरुणा रारावीकर ही एक अध्यात्म मूर्ती, संस्कृततज्ज्ञ आणि साहित्यिक होती. ती साक्षात चालतीबोलती भगवद्गीता होती, शत-प्रतिशत सप्तशती होती. या जगात पाऊल टाकल्यानंतर तिनेच मला पहिल्यांदा बोलायला शिकवलं. माझ्या आई -दादांनी माझ्या जीवनाला ‘अर्थ’ही दिला आणि जीवनाचं ‘शास्त्र’ही शिकवलं. आयुष्याच्या अर्थशास्त्राची पारायणं मी त्याच्या कुशीत केली.

    अर्थशास्त्र हा माझा श्वास आहे तर अध्यात्म हा माझा प्राण आहे. इतकी वर्षे मी वडिलांची म्हणजे अर्थशास्त्राची भाषा बोललो. या पुस्तकातून आता मी आईची भाषा बोलतो आहे. माझ्या आई-वडिलांनी मला भाषा आणि विचार या दोन्हींची देणगी दिली. त्यांनी मला भाषा आणि जीवन या दोन्हींची शुद्धता शिकवली. आज हा छोटा ग्रंथोबा मी त्यांच्या चिरंतन स्मृतींना अर्पण करत आहे.

    मी माझ्या आई-वडिलांच्या नावामागे कैलासवासी कधीही लावत नाही कारण माझ्या अंतकरणात त्यांचा सदैव वास असतो. पुस्तकावर एक औपचारिकता म्हणून लेखकाचा – म्हणजे माझा परिचय छापला गेला आहे. पण मी माझ्या आईवडिलांचा मुलगा आहे हीच माझी सर्वात मोठी ओळख. आणि तोच मला मिळालेला सर्वात मोठा पुरस्कार. माझ्या वडिलांचं नाव यशवंत आणि आईचं माहेरचं नाव पुष्पा. म्हणून या पुस्तकाचं नाव ‘यशपुष्प’.

    लहानपणापासून आजोबा आणि शेजारी या दोन्ही नात्यांमधून कुसुमाग्रजांच्या प्रदीर्घ सहवासातून झालेला साहित्याचा परिसस्पर्श मला प्रकर्षाने आठवतो. तारुण्याच्या उंबरठ्यावर पाऊल टाकल्यापासूनचे माझे दोन आध्यात्मिक भाग्यगुरू – गुरुवर्य परम पूजनीय श्री. नारायणकाका ढेकणे महाराज आणि माझे गुरुजी तसेच पंतप्रधान मा. नरेंद्र मोदीजी यांचे योगगुरू डॉ. एच. आर. नागेंद्रजी (कुलपती, स्वामी विवेकानंद योग अनुसंधान संस्थान) यांच्या ईश्वरी छायेत सुरु झालेला माझा प्रवास आज एका विलक्षण वळणावर येऊन पोहोचला आहे. प्रसन्न चैतन्यमूर्ती आदरणीय विष्णूमहाराज पारनेरकर यांनाही माझी वंदना.
    माझ्या वडिलांचे परममित्र आणि साहित्यपंढरीत विठोबाचं स्थान असलेल्या तसेच रामदास स्वामींच्या ‘उत्तम’ पुरुषलक्षणांमध्ये बसणाऱ्या पत्रमहर्षी उत्तमरावांनी प्रस्तावना लिहिली हा मोठा आनंद. माझी पत्नी वीणा हिची संसाराच्या मैफलीतली सुरेल साथ आणि चिरचैतन्य देणारा आमचा मुलगा मिहिर या माझ्या जीवनप्रवाहातल्या साथीदारांप्रती कृतज्ञता व्यक्त करतो. ब्रोनॅटो आणि किंडल, ज्यांच्यामुळे या कलाकृतीला सूर्यप्रकाश दिसला आहे, त्यांचे मन:पूर्वक आभार.

    ही माझी शब्दप्रार्थना आणि भाववंदना कुलस्वामिनी श्री यल्लम्माईच्या पवित्र चरणांवर कृतज्ञतापूर्वक समर्पित करतो.
    डॉ. आशुतोष रारावीकर
    १६ जुलै, २०२०
    मुंबई.

Showing 51–60 of 78 results