मराठी

Showing 41–46 of 46 results

  • वस्त्रहरण- गंगाराम गवाणकर

    Sale! 300.00 206.00

    अध्यक्ष म्हणून पु.लं.नी केलेल्या भाषणाचा गोषवारा
    मित्रहो, खरा म्हणजे मी कोकणीतूनच बोलूक होया आसा. पण माझा कोकणी समजण्याक जरा कठीणच जाताला.
    आत्तापर्यंत बऱ्याचवेळा नाटकाच्या शंभराव्या, दोनशेव्या, पाचशेव्या प्रयोगाला मी अध्यक्ष म्हणून बोललो आहे पण आजच्या इतकी पंचाईत माझी कधीच झाली नव्हती. कारण मी हसून हसून अतिशय दमलो आहे. ह्या लोकांनी इतक्या सुंदर विनोदी रितीने हा पहिला अंक संपवलेला आहे की त्यानंतर आपण काही विनोद करणे म्हणजे ‘स्वतःला विनोदबुद्धी नाही’ हे इतर लोकांना सांगण्यासारखं आहे. मी हे नाटक प्रथम जेव्हा पाहिलं त्यावेळेला दहापंधरा दिवस माझ्या घरी आलेल्या प्रत्येक माणसाचं मी वस्त्रहरण याशिवाय दुसरं काहीही करत नव्हतो. मला मोठी गंमत वाटते की, यांच्यातली बरीचशी मंडळी ही सूतगिरण्यांमध्ये कामाला आहेत. कपडे करणाऱ्यांनी लोकांचं इतकं वस्त्रहरण करावं हे सुद्धा एक नाट्यच आहे. कामगार असूनसुद्धा या लोकांनी इतका ….

    …. ही जी अध्यक्षीय भाषण करण्याची संधी तुम्ही मला दिलीत त्याबद्दल तुमचे आभार मानतो. पुनश्च सगळ्यांचे अभिनंदन करतो आणि मी माझं भाषण संपवतो. नमस्कार.
    भाषणाचं संकलन आणि पुनर्लेखन

  • साखरबिटकी- श्रीनिवास चितळे

    Sale! 300.00 202.00

    रसिक मित्रानो मी श्रीनिवास केशव चितळे राहणार ठाणे. नुकतीच साठी ओलांडली. मूळ कोकणातील, थोडक्यात माझी नाळ कोकणात पुरलेली आहे, देहाने मी ठाण्यात असलो तरी मनाच्या ओसरीवर कायम कोकणातील कंदील लटकत असतो, प्राथमिक शिक्षण चिपळूणला, माध्यमिक जोगेश्वरी मुंबई येथे आणि कॉलेज पार्ले म्हणजे सध्याचे साठे कॉलेज,घरात वातावरण धार्मिक आणि तसच शिक्षणालाहि प्राधान्य, आमचे चुलते म्हणायचे तस देवळातील आणि शाळेतील घंटा तेवढ्याच ताकदीने वाजवणे महत्वाचे, बालपणी गुरगुट्या, मेतकुट, दही भात यावर पिंड पोसलेला. घरात सकाळचे सूर्यनमस्कार घातल्या खेरीज दुधाचा कप पुढे आला नाही आणि संध्याकाळचा झोपाळ्यावर बसून परवचा म्हटल्याशिवाय समोर जेवणाच ताट आल नाही. नोकरी भारत पेट्रोलियम मध्ये केली, ३४ वर्षाच्या नोकरीनंतर निवृत्त झालो. पत्नी कर सल्लागार आणि एकुलती एक मुलगी कमर्शियल आर्ट शिकते आहे. व्यसन म्हणाल तर माणस जोडणे आणि वाचणे. पुस्तक वाचन, नाट्य अभिनय, भरपूर केल. लिखाण देखील बर जमत असे लोक म्हणतात. नोकरी निमित्त भरपूर प्रवास देखील केला. अनुभव गोळा केले आणि ते शब्दबद्ध करण्याचा प्रयत्न देखील केला. कविता विशेषतः कुसुमाग्रज, बोरकर, करंदीकर हे त्रिदेव मनात पुजलेले आणि गद्य लेखनात भाई म्हणजे पु.ल. हे दैवत. गोनीदा, पेंडसे, जयवंत दळवी हे अत्यंत आवडते लेखक. आमच्या पिढीचे अनुभव त्या कालचे वातावरण पुढील पिढीला समजावे हि लिखाणा मागची प्रेरणा. मी अत्यंद आनंदी आणि सुखी प्राणी आहे. देवाने खूप काही दिल आणि जे दिल नाही त्याची मला आवश्यकताच नव्हती अशा वृत्तीचा, लोकसंग्रह मात्र अफाट आहे, “जिथे पहावे तिकडे माझी भावंडे आहेत, सर्वत्र खुणा माझ्या घरच्या मजला दिसताहेत “अशी स्थिती आहे, राजकीय म्हणाल तर नमस्ते सदा वत्सले मातृभूमे या बाळकडूवर मोठा झालो आणि ती विचारसरणी बदलावी अस कधीही वाटल नाही. असो माझ्या लिखाणातून माझा अधिक परिचय होईलच आणि आता माझ हे मैत्र तुमच्यामुळे अधिक वृद्धिगत होईल हि खात्री आहे.

    आपला मित्र,

    श्रीनिवास केशव चितळे.

  • स्मरणिका २०१६

    0.00
  • स्मरणिका २०१८

    Sale! 150.00 0.00

    सप्रेम नमस्कार मंडळी,

    सलग तिसऱ्या वर्षी ट्विटरसंमेलनाच्या स्मरणिका प्रकाशनाचे काम हे आधीच्या दोन वर्षांपेक्षा अधिक व्यापक व आव्हानात्मक होते. या वेळी प्रथमच साहित्य व व्याख्याने थेट ईमेलने पाठवावे असे आवाहन करण्यात आले होते. या आवाहनाला उदंड प्रतिसाद मिळाला. यंदा व्याख्यानांची संख्या जास्त आहे. आलेल्या साहित्यात मोठ्या प्रमाणात व्याकरणाच्या चुका होत्या. त्या दुरुस्त करून घेण्यात सर्वाधिक वेळ गेला. पुढील वर्षी प्रत्येकाने आपले साहित्य चोखंदळपणे तपासून त्यात सुधारणा करून पाठवावे ही विनंती. आलेल्या सर्व साहित्याची निवड करणे शक्य नव्हते म्हणून काही ठराविक निकष लागू करून साहित्य निवडले आहे.

    ट्विटरसंमेलन म्हणजे समाज माध्यमांवर होणारा भाषिक सोहळा आहे. या सोहळ्यात सर्वांचे स्वागत तर आहेच शिवाय व्यक्त होण्याची मुभा आणि प्रतिसाद मिळण्याची हमी देखील आहे.

    आपली ही स्मरणिका आकर्षक व वाचनीय व्हावी यासाठी सर्वतोपरी प्रयत्न केले आहेत. मागील वर्षांच्या स्मरणिका या अनेक देशांमध्ये वाचल्या गेल्या आहेत. २०१८ ची ही स्मरणिका देखील उजळ भाग्याने वाचकांच्या प्रेमाला पात्र ठरेल अशी आशा आहे.

    लिहिताना आपण जे लिहिले आहे त्यावर भाषिक व भावनिक संस्कार करून लिहिणाऱ्याने लिहित जावे आणि असेच प्रभावित करणारे लेखन करत राहावे.

    यावेळी स्मरणिका प्रकाशित करायला थोडा उशीर झालाय पण एक उत्तम ईपुस्तक प्रकाशनासाठी तयार करायला लागणारी सर्वोतोपरी काळजी व आवश्यक तांत्रिक बाबी साभाळून हे काम करण्यात आले आहे.

    ईपुस्तक उद्योग उभारणीच्या आमच्या या ध्येयात हल्लीच ब्रोनॅटो ने ३९ देशांमध्ये ९१,००० [एक्याण्णव हजार] मराठी ईपुस्तक डाउनलोड्सचा पल्ला गाठला आहे. हे काम अजून खूप मोठ्या प्रमाणात करायचे आहे. मराठीतील अनेक लेखक लेखिकांच्या साहित्याला जागतिक मागणी तर आहेच शिवाय त्यांच्या साहित्याचा पुरवठा थेट वाचकांच्या मोबाईलवर व आर्थिक मिळकत थेट त्यांच्या स्वतःच्या अकौंटवर पोचवण्याचे काम ब्रोनॅटो आनंदाने करतंय. आणि करत राहील.

    ट्विटरसंमेलनाचे आयोजक स्वप्नील शिंगोटे यांचे प्रोत्साहन व सहकार्य या वर्षी देखील लाभले, यासाठी त्यांचे खूप खूप धन्यवाद. शिवाय ट्विटरवर इतकी सुंदर संकल्पना यशस्वीपणे राबवण्यासाठी त्यांचे खूप कौतुक. पुढील वर्षी देखील इतक्याच जोमाने व उदंड उत्साहाने स्मरणिका सजवली व जगभर निःशुल्क वितरीत केली जाईल याचे प्रेमपूर्वक आश्वासन देतो आहोत.

    या स्मरणिकेबाबत तुमचा वाचनानुभव आम्हाला ईमेल किंवा WhatsApp [९९७००५१४१३] ने नक्की कळवा.

    [या ईपुस्तकातील मते व विचार ही लेखकांची वैयक्तिक मते व विचार आहेत. प्रत्येक मताशी व विचाराशी प्रकाशक सहमत असतीलच असे नाही.]

    लोभ असावा.
    शैलेश खडतरे

    @ShaileshBronato
    www.bronato.com

  • स्मरणिका: ट्विटरसंमेलन २०१७

    नमस्कार,

    यंदाचे दुसरे ट्विटर मराठी भाषा संमेलन अतिशय थाटात पार पडले. हजारोंनी ट्विट्स संमेलनात पडल्या आणि मराठी ट्विटरकर मनसोक्त व्यक्त झाले.यंदाच्या संमेलनात विशेष असे बारा हॅश टॅग निवडले होते.ट्विटरकरांनी बाराही हॅशटॅग वापरून आपले विचार संमेलनात मांडले.

    मराठी भाषेत ट्विटरवर काहीतरी सकस लिहिले जावे म्हणुन गेल्या वर्षी पहिले ट्विटर संमेलन भरले.

    गतवर्षीचा उत्साह यंदाही पहायला मिळाला.स्वप्निल जोशी,सोनाली कुलकर्णी ,कौशल इनामदार सारख्या सिने कलाकारांपासुन धनंजय मुंडे,पंकजा मुंडे,सुप्रिया सुळे यांच्या सारख्या राजकारणींपर्यंत सर्वांना उत्साहाने सहभाग घेतला.

    नेहमी प्रमाणेच यंदाही #माझीकविता हा लोकप्रिय हॅशटॅग होता.वेगवेगळ्या विषयांवरील कविता संमेलनात वाचायला मिळाल्या . ट्विटरकरांनी आपले छंद ,कथा,कविता,पाककृती,मराठी साहित्य ह्या आणि अशा अनेक विषयांवर मराठीतून ट्विटरवर लिहिले.मराठीतुन लिहण्यासाठी एक कारण मिळावं म्हणुनच तर हा संमेलन उद्योग थाटला आहे,ट्विटरकरांच्या समर्थनामुळे हे शक्य झाले.

    मराठी शाळेतील आपले अनुभव,महाराष्ट्रातील बोलीभाषा,मराठीसाठी तंत्रज्ञान या विषयांवरही मौलीक चर्चा झाली.यंदाच्या संमेलनात ट्विटर व्याख्यानाचा प्रयोग झाला.मराठी भाषेशी संबंधी अनेक विषयांवर व्याख्याने झाले.संमेलनाला यंदा मिळालेले बौद्धिक अधिष्ठान हे ट्विट व्याख्यानाचेच फळ आहे,हे आम्ही आनंदाने नमूद करू इच्छितो.

    मराठी भाषेचे संवर्धन करायचे असेल तर तिला कुठल्याही माध्यमाचे वावडे असण्याचे कारण,ट्विटर संमेलनामुळे ट्विटरचे माध्यम मराठीमय होण्यासाठी हातभार लागेल ही अपेक्षा करतो.

    ईबु पब्लिकेशन्सचे शैलेश खडतरे संमेलनात आलेल्या साहित्याचे ई-पुस्तक करत आहेत,त्यांचे व त्यांच्या चमूचे विशेष आभार. पुढील संमेलनातही तुमचे पाठबळ मिळाले तर संमेलन यशाची अधिक उंची गाठेल यात शंका नाही.

    आभार,

    आयोजक
    स्वप्निल शिंगोटे
    @MarathiWord

  • हसा लेको

    Sale! 60.00 40.00

    मुकेश माचकर
    ‘महाराष्ट्र टाइम्स’मध्ये मुकुंद शिरगावकर, पंचम, मुन्ना, बित्तमबाज, अनंत फंदी आदी अनेक नावांनी विविध विषयांवर सदरलेखन केल्यानंतर मुकेश माचकर यांनी ‘हसा लेको’ या हास्यकथांच्या दैनिक सदरासाठी मामंजी हे टोपणनाव घेतलं आणि ते कालनिर्णयच्या दिवाळी अंकातून गेली १६ वर्षं नियमित वाचायला मिळतं आहे.

    शैक्षणिक-व्यावसायिक कारकीर्द
    फर्गसन कॉलेज, पुणे येथून अर्थशास्त्राची पदवी
    पुणे विदय़ापीठाच्या वृत्तपत्रविद्या आणि संज्ञापन विभागातून पत्रकारितेची पदव्युत्तर पदवी
    मार्केट मिशनरीज या जाहिरात संस्थेत कॉपीरायटर
    1993पासून पत्रकारितेत कार्यरत.
    केसरीमध्ये उपसंपादकपदापासून सुरुवात.
    महाराष्ट्र टाइम्समध्ये १५ वर्षांच्या कारकीर्दीत उपसंपादक, वार्ताहर, चित्रपट समीक्षक, मुख्य उपसंपादक, पुरवणी संपादक, सहायक संपादक ही पदे भूषविली.
    ‘प्रहार’ या दैनिकाची पायाभरणी करण्यात मोठा सहभाग. निवासी संपादक आणि सहयोगी संपादक
    ‘मी मराठी लाइव्ह’ या दैनिकाचे संपादक
    ‘बिगुल’ या महाराष्ट्रातल्या पहिल्या मत-पोर्टलचे संपादक.

    लेखन कारकीर्द
    वर्तमानपत्रांमध्ये चित्रपट, राजकीय-सामाजिक घडामोडींवर चौफेर लेखन
    ‘महाराष्ट्र टाइम्स’च्या चित्रपट परीक्षणांमधून महाराष्ट्रभर निर्माण झालेली ओळख
    ‘मामंजी’ या नावाने हास्यकथांचे लोकप्रिय स्तंभलेखन
    राजकीय, सामाजिक विषयांचा तिरकस वेध घेणारी लेखणी.
    सोशल मीडियावर सजग वावर.
    फेसबुकसारख्या माध्यमातील लेखनाच्या क्षमता जोखण्यासाठी धक्कथा आणि दृष्टांतकथांचं लेखन
    ई-लिट या प्रकाशनसंस्थेच्या माध्यमातून ई-प्रकाशनात प्रवेश

    पुस्तकसंपदा
    ‘हसा लेको’ हा हास्यकथा संग्रह,
    ‘काय म्हणता राव’ हा अनवट म्हणींच्या माध्यमातून सामाजिक संदर्भांचा वेध घेणारा संग्रह,
    ‘आर. डी. बर्मन जीवन-संगीत’ हा राष्ट्रीय पुरस्कारविजेत्या सांगितिक चरित्राचा अनुवाद
    ‘अक्कलझाड’ हा दृष्टांतकथांचा पुस्तकसंच

Showing 41–46 of 46 results