मराठी

Showing 31–40 of 44 results

  • मुंबईतील आद्य शक्तिपीठे

    Sale! 150.00 100.00
  • मुंबईतील पुरातन शिवमंदिरे

    Sale! 150.00 100.00
  • मेमरीस्ट्रा

    225.00

    मित्रहो… आणि मैत्रीणींनो…

    बालपणातच खरं तर आपण जीवन सत्यत्वाने पाहत असतो…जसं आहे तसंच…!
    नंतर त्यात अनेक रंग मिसळतात ज्ञानाचे… अनुभवांनी प्रदूषित दृष्टिकोनांचे…
    आणि हे मिसळ भेसळ असलेले रंग एका टप्प्यावर खोटे वाटू लागतात…

    तेव्हा पुन्हा आठवतं ते निर्मळ बालपण… ते तेच सत्य होतं… कारण त्या तरल
    अनुभवांची वीण घट्ट असते अजून मनात…

    लेखक – कवी म्हणजे आपल्यातलंच ते बालक असतं जे भरभरून उत्कटतेने जीवन
    जगताना कधीच कोणत्याच भूलथापांना बळी पडलेलं नसतं… ते त्या लाकूडतोड्या
    सारखं असतं… वनदेवीने दिलेल्या सोन्या-चांदीच्या कुऱ्हाडीत त्याला रस नसतो …
    तो जीवनरूपी वनाच्याच प्रेमात पडलेला असतो…!

    आपल्या शाळेच्या आपण सारेच प्रेमात होतो… तेच आपलं निर्मळ जीवन होतं…
    त्या जीवनात पुन्हा लॉंग इन झाल्याने सध्याच्या जीवनासाठी एक नवी ऊर्जा
    आणि एक सत्य दृष्टिकोन प्राप्त झाल्याने नक्कीच सुखी आणि शांत होऊ… आणि
    जुन्या सवंगड्यांच्या अधिक जवळ येऊ … वर्तमानात एक सुंदर भविष्य घडविण्याची
    ही नांदी या मेमरीस्ट्राच्या निमित्ताने आपल्या साऱ्यांना मिळाली आहे… तिचा पूर्ण
    उपयोग करून घेऊ…!

    हे नुसतेच भावमनोरंजन नसून…
    एक होडी आहे…
    शुध्द मनोभूमीवर पुन्हा एकदा नेणारी …!!!

    आपला
    बालक मित्र…

  • मैत्री: एक ड्राफ्ट भावनांचा

  • मोडी लिपी – शिका सरावातून

    299.00

    मनोगत
    नाइट कॉलेज, कोल्हापूरच्या मोडी वर्गामध्ये मोडी लिपी शिकत असताना एक बाब माझ लक्षात आली की, मोडी अक्षरे लिहिण्यास अवघड आहेत. त्या अक्षरांचा सराव असेल तरच ती लिहिता येऊ शकतात, हे लक्षात आल्यावर मी अक्षरे सरावासाठीचा कित्ता शोधला, पण तसे कित्ता पुस्तक उपलब्ध नाही, ही माहिती मोडीतज्ञाकडून मिळाली. पण मोडी लिपी शिकण्याठी सराव महत्वाचा आहे. मी संगणकावरील मोडी अक्षरांची प्रिंट काढून सराव केला व माझ्यापरीने सरावाचा प्रश्न सोडविला. सदरची बाब प्रा. अरुण शिंदे सरांच्या धनात आली. त्यांनी सुचवले की असे कित्ता पुस्तक नव्याने मोडी शिकणार्‍यासाठी गरजेचे व उपुक्त आहे. यातूनच असे कित्ता पुस्तक आपण लिहावे, अशी प्रेरणा माझ्या मनात निर्माण झाली. यासाठी मोडीचा माँट श्री लिपी (मॉड्युलर इन्मोटेक प्रा. लि., पुणे) यांच्याकडून तयार करून घेतला. पुस्तकासाठी काम करणची ही माझी पहिलीच वेळ असल्याने प्रत्येक गोष्ट नीटपणे समजून घेऊन, झपाटून कामास लागलो व अनेक पातळ्यावर सतत काम करीत सदर कित्ता पुस्तक पूर्ण केले.
    सदरच्या पुस्तकात मराठी वर्णमालेबरोबर मोडी वर्णमाला आहे. तसेच मराठी अक्षरांचे इंग्रमजीतील पर्यायही दिले आहेत. अमराठी लोकांना मोडी लिपीचा परिचय होऊन त्यांना मोडी लिपीचे ज्ञान आत्मसात करण्यास इंग्रजी अक्षरांमुळे मदत होईल. इंग्रजीमधून मराठी अक्षर व त्या मराठी अक्षराची मोडी लिपीमध्ये लिहिण्याची पद्धत व सरावासाठी मोकळी जागा पुस्तकामध्ये दिलेली आहे. पुस्तकातील प्रत्येक मराठी शब्दाचे इंग्रजी भाषेत स्पेलींग दिले आहे. यामुळे अमराठी भाषिकांना या पुस्तकाद्वारे मोडी लिपी शिकण्यास मदत होईल. मराठीतील स्वर, व्यंजने, बाराखडी मोडी लिपीत कशी लिहावीत, हे सोप्या पद्धतीने समजावून दिले आहे. स्वर, व्यंजने व बाराखडीमधील कठीण अक्षरे यांचा जास्तीत जास्त सराव व्हावा म्हणून सरावासाठी रिकामी जागा दिली आहे. तसेच काना-मात्रा विरहित शब्द, काना-मात्रा असलेले शब्द, उकार-वेलांटी असलेले शब्द, त्यांचे इंग्रजी स्पेलींग व ते मोडी लिपीत कसे लिहावे हे दिले आहे. त्याच्यापुढे सरावासाठी जागा उपलब्ध आहे.

    काही मोडी अक्षरांचे मोडी लिपीत लिहिण्याचे विविध प्रकार दिलेले आहेत. मोडी लिपीमध्ये अनेक शब्दसंक्षेप वापरले जातात. त्यांचीही माहिती पुस्तकात आहे. मोडी लिपीची अक्षरे आपण सरावाने लिहू शकतो. पण पूर्वीचे ऐतिहासिक दस्तऐवज वाचताना आपल्याला बर्‍याच बाबींची काळजी घ्यावी लागते. मोडी लिपी वापरात असताना कोरे कागद असत. त्यामुळे कागदाच्या डाव्या बाजूपासून उजव्या बाजूपर्यंत एक शिरोरेषा काढून मोडीत लिहिण्यास सुरुवात केली जाई. मोडी लिपीत कोणत्याही प्रकारचे व्याकरणाचे नियम नसल्याने, ऐतिहासिक कागदपत्रांचे वाचन काळजीपूर्वक करावे लागते. लिहिलेल्या मजकुराचे तारतम्याने व संदर्भ समजून घेऊन वाचन केल्यास दस्तऐवजांचा अर्थ लागण्यास सोपे जाते.

    – नवीनकुमार माळी

  • राजर्षी शाहु छत्रपती महाराज

    100.00

    लिप्यंतरकाराचे मनोगत

    ‘राजर्षी शाहु छत्रपती महाराज’ हे मोडी लिपीतील पहिले शाहु चरित्र वाचकांसमोर ठेवताना मला अतिशय आनंद व अभिमान वाटत आहे. मोडी वाचकासांठी व मोडी प्रचार प्रसारासाठी हे चरित्र मैलाचा दगड ठरेल असा मला विश्वास वाटतो. मी माझे मोडी शिक्षण ऊदयसींह राजेयादव यांच्या मार्गदर्शनाखाली पुर्ण केले. मोडी शिकताना मूळाक्षरे, बाराखडी, शब्द, वाक्य मी सहज शिकलो पण मोडीतील हस्तलिखीत कागदपत्रांचे वाचन करताना मला अडचणी आल्या. यावेळी साधे सोपे मोडी साहित्य वाचनासाठी असावे असे मला वाटत होते.

    कोल्हापूरमधील जेष्ठ इतिहास संशोधक डॉ.जयसिंगराव पवार संपादित ‘राजर्षी शाहु गौरव ग्रंथ’ मराठी बरोबरच चौदा भारतीय भाषांमध्ये तसेच जर्मन, इंग्रजी आदी विदेशी भाषांमध्येही प्रसीद्ध झाला आहे. रशीयन, जपानी, फ्रेंच, चिनी या भाषांमध्येही अनुवादाचे काम सूरू आहे. याचवेळी डॉ. जयसिंगराव पवारांचे सदरचे शाहु चरित्र माझ्या वाचनात आले. ‘मोडीलीपी शिका सरावातुन’ या माझ्या पुस्तकाच्या निमीत्ताने डॉ.जयसिंगराव पवार यांना भेटण्याचा योग आला, त्यावेळी मी त्यांना शाहु चरित्रतील काही पाने मोडी लिपीत संगणकीय टंकन केलेली दाखविली, व शाहु चरीत्राचे मोडी लिप्यंतर करण्याची इच्छा व्यक्त केली. पवार सरांनी आनंदाने परवानगी दिली. आज संगणकीय टंकन माध्यमातुन जशेच्या तसे पुस्तक लिप्यंतर करून वाचकासमोर ठेवणे हा अशक्यप्राय प्रवास इतिहास तसेच मोडीची गोडी यामुळेच शक्य झाले आहे.

    – नवीनकुमार माळी
    दि. ४ जानेवारी २०१७

  • ललित

    या छोट्याशा पुस्तकात माझी मागची दहा वर्षं सामावली आहेत, असं म्हटलं तर काही वावगं नाही ठरणार. या पुस्तकातले लेख २००६ पासून ते २०१६ पर्यंतचे आहेत. प्रत्येक लेख कुठल्याशा अनुभवाचं प्रतिबिंब आहे. प्रत्येक लेखातला ‘मी’, मी स्वत: असेनच असं नाही, पण त्यात माझं मन गुंतलंय एवढं नक्की. हे सारे अनुभव खरेच असतील याची मी खात्री देऊ शकत नाही, इच्छित नाही. त्यातले काही कल्पनांचे तुकडे असतील, तर काही अगदी खरोखर घडलेल्या- बिघडलेल्या गोष्टींच्या तांत्रिक नोंदी असतील.

    पंजक कोपर्डे

  • लाटांवरच्या कविता

    प्रेम … फक्त अडीच अक्षरं!! जिथे प्रेम असेल तिथे आपुलकी, जिव्हाळा, काळजी देखील असणारंच. पण हे नसेल तर… असेल फक्त जीवघेणा दुरावा, विरह आणि मनाची ओढाताण!

    मनात असंख्य प्रश्न निर्माण होतात, माझ्याही मनात झाले. मनसोक्त प्रेम केलं आणि तेवढंच केलं आणि जे माझ्या ओंजळीत पडलं ते तुमच्यासमोर घेऊन येत आहे. दुःख विकत नाही, तुमच्या सर्वांमध्ये स्वतःला शोधत आहे.

    वेळ निघून जाते, परिस्थिती बदलते, काळाच्या ओघांबरोबर माणसंही बदलतात आणि भावनाही. राहतात त्या आठवणी! केलेल्या मैत्रीच्या, त्यानंतर झालेल्या प्रेमाच्या आणि मग प्रेम न मिळाल्यामुळे झालेल्या निराशेच्या, विरक्तीच्या आणि विरहाच्या! त्या आठवणी कटूच असतात पण तरीही मनाला त्याच भिडतात, त्याच हव्याहव्याश्या वाटतात, त्याच धीर देतात अन जगायला शिकवतात! या आठवणीच आपल्या प्रेमाचा गुणाकार करतात अन प्रत्येक क्षणाला ते प्रेम वाढवत असतात.

    पाणावलेले डोळे अश्रूंनाही वाट मोकळी करून देतात. व्यक्त झालेल्या शब्दांवर ओघळून त्या शब्दांनाही मोठेपण देतात. आज त्याच शब्दांना तुमच्या समोर घेऊन येत आहे.

    हि फक्त सुरुवात आहे… कारण प्रेम, विरह, दुरावा आणि हृदयातल्या त्या प्रत्येक भावना व्यक्त करण्यासाठी तुमच्या सर्वांचा वेळ, तुमचं प्रेम हवं आहे. हा माझा पहिलाच प्रयत्न आहे. सुरुवातीला चारोळ्यांचं हे पुस्तक तुम्हा सर्वांसाठी घेऊन येत आहे. हे पुस्तक मी माझ्या सहचारिणीला, माझ्या प्रेमाला, माझ्या पत्नीला अर्पण करतो कारण तिच्याचमुळे विरहाचे क्षण विसरून आजही प्रेम माझ्या मनात, हृदयात जिवंत आहे अन याची जाणिव मला प्रत्येक क्षणाला होत असते.

    संजय रोकडे

  • वस्त्रहरण- गंगाराम गवाणकर

    Sale! 300.00 206.00

    अध्यक्ष म्हणून पु.लं.नी केलेल्या भाषणाचा गोषवारा
    मित्रहो, खरा म्हणजे मी कोकणीतूनच बोलूक होया आसा. पण माझा कोकणी समजण्याक जरा कठीणच जाताला.
    आत्तापर्यंत बऱ्याचवेळा नाटकाच्या शंभराव्या, दोनशेव्या, पाचशेव्या प्रयोगाला मी अध्यक्ष म्हणून बोललो आहे पण आजच्या इतकी पंचाईत माझी कधीच झाली नव्हती. कारण मी हसून हसून अतिशय दमलो आहे. ह्या लोकांनी इतक्या सुंदर विनोदी रितीने हा पहिला अंक संपवलेला आहे की त्यानंतर आपण काही विनोद करणे म्हणजे ‘स्वतःला विनोदबुद्धी नाही’ हे इतर लोकांना सांगण्यासारखं आहे. मी हे नाटक प्रथम जेव्हा पाहिलं त्यावेळेला दहापंधरा दिवस माझ्या घरी आलेल्या प्रत्येक माणसाचं मी वस्त्रहरण याशिवाय दुसरं काहीही करत नव्हतो. मला मोठी गंमत वाटते की, यांच्यातली बरीचशी मंडळी ही सूतगिरण्यांमध्ये कामाला आहेत. कपडे करणाऱ्यांनी लोकांचं इतकं वस्त्रहरण करावं हे सुद्धा एक नाट्यच आहे. कामगार असूनसुद्धा या लोकांनी इतका ….

    …. ही जी अध्यक्षीय भाषण करण्याची संधी तुम्ही मला दिलीत त्याबद्दल तुमचे आभार मानतो. पुनश्च सगळ्यांचे अभिनंदन करतो आणि मी माझं भाषण संपवतो. नमस्कार.
    भाषणाचं संकलन आणि पुनर्लेखन

  • साखरबिटकी- श्रीनिवास चितळे

    Sale! 300.00 202.00

    रसिक मित्रानो मी श्रीनिवास केशव चितळे राहणार ठाणे. नुकतीच साठी ओलांडली. मूळ कोकणातील, थोडक्यात माझी नाळ कोकणात पुरलेली आहे, देहाने मी ठाण्यात असलो तरी मनाच्या ओसरीवर कायम कोकणातील कंदील लटकत असतो, प्राथमिक शिक्षण चिपळूणला, माध्यमिक जोगेश्वरी मुंबई येथे आणि कॉलेज पार्ले म्हणजे सध्याचे साठे कॉलेज,घरात वातावरण धार्मिक आणि तसच शिक्षणालाहि प्राधान्य, आमचे चुलते म्हणायचे तस देवळातील आणि शाळेतील घंटा तेवढ्याच ताकदीने वाजवणे महत्वाचे, बालपणी गुरगुट्या, मेतकुट, दही भात यावर पिंड पोसलेला. घरात सकाळचे सूर्यनमस्कार घातल्या खेरीज दुधाचा कप पुढे आला नाही आणि संध्याकाळचा झोपाळ्यावर बसून परवचा म्हटल्याशिवाय समोर जेवणाच ताट आल नाही. नोकरी भारत पेट्रोलियम मध्ये केली, ३४ वर्षाच्या नोकरीनंतर निवृत्त झालो. पत्नी कर सल्लागार आणि एकुलती एक मुलगी कमर्शियल आर्ट शिकते आहे. व्यसन म्हणाल तर माणस जोडणे आणि वाचणे. पुस्तक वाचन, नाट्य अभिनय, भरपूर केल. लिखाण देखील बर जमत असे लोक म्हणतात. नोकरी निमित्त भरपूर प्रवास देखील केला. अनुभव गोळा केले आणि ते शब्दबद्ध करण्याचा प्रयत्न देखील केला. कविता विशेषतः कुसुमाग्रज, बोरकर, करंदीकर हे त्रिदेव मनात पुजलेले आणि गद्य लेखनात भाई म्हणजे पु.ल. हे दैवत. गोनीदा, पेंडसे, जयवंत दळवी हे अत्यंत आवडते लेखक. आमच्या पिढीचे अनुभव त्या कालचे वातावरण पुढील पिढीला समजावे हि लिखाणा मागची प्रेरणा. मी अत्यंद आनंदी आणि सुखी प्राणी आहे. देवाने खूप काही दिल आणि जे दिल नाही त्याची मला आवश्यकताच नव्हती अशा वृत्तीचा, लोकसंग्रह मात्र अफाट आहे, “जिथे पहावे तिकडे माझी भावंडे आहेत, सर्वत्र खुणा माझ्या घरच्या मजला दिसताहेत “अशी स्थिती आहे, राजकीय म्हणाल तर नमस्ते सदा वत्सले मातृभूमे या बाळकडूवर मोठा झालो आणि ती विचारसरणी बदलावी अस कधीही वाटल नाही. असो माझ्या लिखाणातून माझा अधिक परिचय होईलच आणि आता माझ हे मैत्र तुमच्यामुळे अधिक वृद्धिगत होईल हि खात्री आहे.

    आपला मित्र,

    श्रीनिवास केशव चितळे.

Showing 31–40 of 44 results