नाटक

Showing all 2 results

  • Susaat: सुसाट

    Rated 5.00 out of 5

    अजित तात्याबा देशमुख यांचे ‘ सुसाट ‘ हे नाटक व्यावसायिक रंगभूमीवर येणे ही मराठीतली एक अपवादात्मक विशेष घटना होती. हे नाटक, ज्याला ऍब्सर्ड वा व्यस्त रंगभूमीचे नाटक म्हणतात, तसे होते. अशा नाटकाच्या लेखनात नुसते कौशल्य असून भागत नाही. मानवी जगण्यातली व्यस्तता, निरर्थकता, हेतुशून्यता, अतार्किकता यांचे स्वतःचे आकलन आणि भान लेखकाला असावे लागते. या अर्थाने ते नाटक सर्जक असावे लागते. प्रेक्षकांच्या सवयींचे नुसते लाड करणारे असून चालत नाही. या नाटकाचा प्रयोग मी पाहिला तेव्हा त्यात असलेल्या या सर्व वैशिष्ट्यांमुळेच मला विशेष आनंद वाटला होता. अलिकडेच मी या नाटकाची संहिताही वाचली. एका अतार्किक परिस्थितीत माणसाचे डांबले जाणे हे या नाटकात अनेक आवर्तनांतून प्रभावीपणे आलेले आहे. देशमुखांचे संवादही नाटकाच्या आशयशी एकजीव झालेले आहेत. एका बाजूला हे सगळे पृष्ठस्तरावर विनोदी वाटत असतानाच आपल्याला त्यातला गंभीर आशयही जाणवत राहतो आणि त्यामुळे आपण अंतर्मुख होत जातो. एखादे नीतीतत्त्व सांगणे वा बोध देणे असा या नाटकाचा कोणताच उद्देश नाही. मानवी जगण्यातल्या एका अटळ कोंडीचे भान देण्याचे गंभीर काम हे नाटक करते.

    देशमुखांचे हे पहिलेच नाटक आहे. त्यात असा गंभीर आशय, हसतखेळत पद्धतीने, उत्तम रचना आणि उत्तम संवाद यांतून ते देतात. माझ्या मते, ‘सुसाट’ हे मराठीतले एक अपवादात्मक चांगले नाटक आहे. त्यांच्या पुढील नाट्यलेखनाबाबत खूप उत्सुकता निर्माण करणारे असे हे नाटक आहे.

    — चं. प्र. देशपांडे.

  • वस्त्रहरण- गंगाराम गवाणकर

    Sale! 300.00 206.00

    अध्यक्ष म्हणून पु.लं.नी केलेल्या भाषणाचा गोषवारा
    मित्रहो, खरा म्हणजे मी कोकणीतूनच बोलूक होया आसा. पण माझा कोकणी समजण्याक जरा कठीणच जाताला.
    आत्तापर्यंत बऱ्याचवेळा नाटकाच्या शंभराव्या, दोनशेव्या, पाचशेव्या प्रयोगाला मी अध्यक्ष म्हणून बोललो आहे पण आजच्या इतकी पंचाईत माझी कधीच झाली नव्हती. कारण मी हसून हसून अतिशय दमलो आहे. ह्या लोकांनी इतक्या सुंदर विनोदी रितीने हा पहिला अंक संपवलेला आहे की त्यानंतर आपण काही विनोद करणे म्हणजे ‘स्वतःला विनोदबुद्धी नाही’ हे इतर लोकांना सांगण्यासारखं आहे. मी हे नाटक प्रथम जेव्हा पाहिलं त्यावेळेला दहापंधरा दिवस माझ्या घरी आलेल्या प्रत्येक माणसाचं मी वस्त्रहरण याशिवाय दुसरं काहीही करत नव्हतो. मला मोठी गंमत वाटते की, यांच्यातली बरीचशी मंडळी ही सूतगिरण्यांमध्ये कामाला आहेत. कपडे करणाऱ्यांनी लोकांचं इतकं वस्त्रहरण करावं हे सुद्धा एक नाट्यच आहे. कामगार असूनसुद्धा या लोकांनी इतका ….

    …. ही जी अध्यक्षीय भाषण करण्याची संधी तुम्ही मला दिलीत त्याबद्दल तुमचे आभार मानतो. पुनश्च सगळ्यांचे अभिनंदन करतो आणि मी माझं भाषण संपवतो. नमस्कार.
    भाषणाचं संकलन आणि पुनर्लेखन

Showing all 2 results