Posted on

सह्याद्री आज पोरका झाला….!

0

“दुर्गमहर्षी प्रमोद मांडे (भाऊ) हा स्वयंप्रकाशित सुर्य अस्त पावला…!

गेले ४० वर्षे सह्याद्रीच्या गिरीशिखरांवर लखलखणारा स्वयंप्रकाशित सुर्य आज दीर्घ आजाराने अस्त पावला, खरं तर गडकिल्यांवर भाऊंचे इतके प्रेम होते कि भाऊंच्या जाण्याने आज सह्याद्रीला हि अश्रू अनावर झाले असतील..

 

 

दुर्गांचे चालते-बोलते विद्यापीठ, क्रांतीकारकांच्या इतिहासाचे ज्ञानपीठ दुर्गमहर्षी प्रमोद मांडे(भाऊ) आज आपल्यातुन कायमचे निघुन गेले. भाऊ आपल्या जाण्याने दुर्गसंवर्धन क्षेत्रात जी पोकळी निर्माण झाली ती कधीच भरून निघणार नाही.भाऊ सह्याद्री प्रतिष्ठान, महाराष्ट्र परिवाराच्या वतीने आपणांस भावपूर्ण श्रद्धांजली..

“शिवाजी” हे फक्त एक तीन अक्षरी नावं, ज्याभोवती आज तीनशे वर्षांनंतरही अनेक छोटे-मोठे इतिहासकार अगदी सॅटेलाईट सारखे फिरत असतात, पण या सूर्याभोवती जणू त्याच्याच सूर्यमालेतील एक ग्रहासमान, डोळ्यात भरणारा किंवा सलणारा हि म्हणू शकू असा एक ठिपका सतत फिरत असतो, नव्हे तर सूर्याच्या तेजातून इतर मंडळींना प्रकाशित करत असतो असा एक सूर्यासमोर खुजा असला तरी त्याचं उर्जेने प्रकाशित झालेला ग्रह म्हणजे “दुर्गमहर्षी प्रमोदजी मांडे”.

Continue reading सह्याद्री आज पोरका झाला….!

0
Posted on

अमराठी व्यक्तींना मराठी शिकवण्यासाठी

1+

कौशिक लेले यांनी अमराठी व्यक्तींना मराठी शिकवण्यासाठी ऑनलाईन ट्युटोरियल्स तयार केली आहेत; जी त्यांच्या ब्लॉग्सच्या माध्यमातून पूर्णपणे मोफत उपलब्ध आहेत.

http://kaushiklele-learnmarathi.blogspot.in/

http://learn-marathi-from-hindi-kaushiklele.blogspot.in/

Learn Marathi from English मध्ये १३९ धडे आहेत.

Learn Marathi from Hindi मध्ये १०१ धडे आहेत.

या ब्लॉग मध्ये देवनागरी लिपी, प्राथमिक व्याकरण (नाम, सर्वनाम, काळ, अव्यय ई. ) पासून सुरुवात करून लहान वाक्यांपर्यंत आणि पुढे पूर्ण संभाषण, रोजच्या भाषेत वापरले जाणारे शॉर्ट फॉर्म्स इथपर्यंत सर्व आहे. थोडक्यात मराठी शिकू इच्छिणाऱ्यांसाठी ‘one-stop-shop’ असा हा ब्लॉग आहे.

या ब्लॉग मधील संभाषणाच्या २०६ साउन्ड क्लिप्स ही YouTube channel वर “Kaushik Lele” नावाच्या चॅनल वर टाकल्या आहेत जेणेकरून विद्यार्थ्याना मराठी उच्चार लवकर आत्मसात करता येतील.

You Tube Channel name :- Kaushik Lele

https://www.youtube.com/c/KaushikLele_Learn_Marathi

कौशिक ने ‘मे २०१२’ मध्ये मी या उपक्रमाची सुरुवात केली.

कौशिकने तयार केलेले ट्युटोरियल्स वापरून मराठी शिकत असल्याचे आत्तापर्यंत दोनशे लोकांनी ईमेलवर कळवले आहे. तर यूट्यूब चॅनलचे दीड हजार हून अधिक सबस्क्रायबर्स आहेत.

त्यात महाराष्ट्रात शिक्षण किंवा कामनिमित्त परराज्यातून आलेल्या व्यक्ती, स्पर्धा परीक्षांसाठी मराठीचा अभ्यास करणाऱ्या अमराठी व्यक्ती, भाषांची आवड असणारे परदेशी नागरिक, अनिवासी मराठी आहेत. तसेच मराठी व्यक्तींच्या प्रेमात पडलेले किंवा लग्न केलेले परदेशी नागरिकही आहेत.

दोन्ही ब्लॉग आणि यूट्यूब चॅनलना साडे पाच लाखांपेक्षा जास्त वेळा लोकांनी भेट दिली आहे

मॅथ्यू चँग नावाचा एक चायनीज-अमेरिकन माणूस माझ्या वेबसाईट्सवरून मराठी शिकला आणि आता खूप चांगले मराठी बोलू शकतो. त्याचा व्हिडिओ अवश्य पहा.

जॉन हा लंडनस्थित ब्रिटिश पीएचडी चा विद्यार्थी देखील मझ्या ब्लॉग वरून किती आत्मविश्वासपूर्वक मराठी बोलतो अहे ते पहा.

लोकसत्ता, म.टा. , आयबीएन लोकमत व इतर माध्यमांतून दखल

लोकसत्ता, म.टा., सकाळ, लोकमत , इंडियन एक्स्प्रेस  सारख्या मान्यवर वृत्तपत्रांतून तसेच स्थानिक मासिकांमधून या उपक्रमाबद्दलचे लेख प्रसिद्ध झाले आहेत.

  • आयबीएन लोकमत टीव्हीवर कौशिक व त्याच्या ब्लॉगवरून मराठी शिकलेला जॉन यांची मुलाखत प्रसिद्ध झाली. ५ फेब २०१७ रोजी  दुपारी एकच्या सुमारास दाखवली होती. ती मुलाखत तुम्ही ऑनलाईन बघू शकाल आयबीएन लोकमतच्या संकेतस्थळावर

https://www.youtube.com/watch?v=Z7APUITrbnA

अधिक माहिती

कौशिक स्वतः छंद म्हणून शाळेत असताना तमिळ शिकवणाऱ्या पुस्तकावरून तमिळ शिकला. आणि थेट पुस्तकं, मासिकं वाचून गुजराती शिकला.

“ऑफिसमधले माझे काही सहकारी मराठी शिकायचा प्रयत्न करत होते.  त्यावेळी इतरांना मराठी शिकण्यासाठी काय पर्याय उपलब्ध आहेत हे तपासायचा मी प्रयत्न केला. काही पुस्तकं बाजारात उपलब्ध आहेत पण मला ती समाधानकारक वाटली नाहीत. इंटरनेट वर मराठी  शिकण्यासाठीचे पर्याय फारच तुटपुंजे आणि अर्धवट सोडलेले दिसले. त्या तुलनेत परकीय भाषा शिकण्यासाठी खूपच पर्याय उपलब्ध आहेत. या वस्तुस्थितीमुळे  मी अस्वस्थ झालो. मराठी भाषेचा आग्रह आपण धरतो, अमराठी लोकांनी मराठी शिकलंच पाहिजे असं आपण म्हणतो पण मराठी शिकण्यासाठीचे पुरेसे पर्याय आपण तयार केलेले नाहीत हे मला जाणवलं.”

इंटरनेटच्या जमान्यात प्रत्येक गोष्ट नेट वरच शोधली जाते. त्यामुळे नेटवरच अशा प्रकारचे साहित्य असले पाहिजे आणि तेही मोफत असावे असे कौशिकला वाटले.

“मला स्वतःला भाषा शिकणे-शिकवणे आवडते आणि मी सॉफ्टवेअर इंजिनीअर असल्याने स्वतः हे काम करायचं  ठरवलं. मी ज्या व्याकरणाधारित पद्धतीने तमिळ आणि गुजराती शिकलो त्या पद्धतीने इतरांना मराठी शिकवायचं ठरवलं. फेसबुक सारख्या माध्यमातून अनेकांना माझ्या वेबसाईट्स बद्दल कळले आणि चांगला प्रतिसाद मिळाला.”

कौशिक च्या अन्य उपक्रमांची यादी येथे देत आहोत. मराठीच्या प्रसारासाठी या सर्व उपक्रमांची खूप मोठी मदत होईल.

डिक्शनरी वेबसाईट स्वरूपात

१ मे २०१६ ला या डिक्शनरीची वेबसाईटही सुरू झाली आहे

www.learnMarathiWithKaushik.com

ऑनलाईन मराठी क्रियापद रूपावली

जर्मन, स्पॅनिश, फ्रेंच अशा परदेशी भाषांसाठी अशी संकेतस्थळे/अ‍ॅप्स आहेत. मराठीसाठी मात्र याची उणीव भासत होती. ती पूर्ण करण्याचा हा माझा प्रयत्न आहे.

http://learnmarathiwithkaushik.com

कौशिकच्या ब्लॉगवरून अनेक अमराठी व्यक्ती मराठी वाक्यरचनेचे नियम शिकत आहेतच. पण हे नियम वापरून जेव्हा ते क्रियापद रूपे बनवतात तेव्हा त्यांना आपण बनवलेले वाक्य बरोबर आहे का नाही याची शंका आल्यास त्यांना कौशिकशी मेलवर किंवा फेसबुकवर संपर्क करून शंकानिरसन करावे लागते. आता त्यांना या संकेतस्थळवरून लगेच उत्तर मिळेल. सर्व वाक्यांचे इंग्रजी(रोमन लिपीत) रूपांतरही दिले आहे. जेणेकरून नवख्या विद्यार्थ्याला उच्चारही समजतील.

“माझ्या माहितीप्रमाणे असे संकेतस्थळ सध्या नाहिये. जर आपल्याला माहित असल्यास जरूर सांगा मला. मला बघायला आवडेल.” असे कौशिक मोकळेपणाने सांगतो.

कौशिक एकटाच हा उपक्रम चालवत असल्याने सध्या माहिती(कंटेण्ट्स) वर भर दिला आहे. लुक-अँड-फील अगदी साधा आहे.

कौशिकचे काम इतके मोठे आहे कि आम्ही सलग एका लेखात ते मांडू शकलो नाही. पुढील लेखात अधिक माहिती व चित्रके जोडू.

[पूर्वार्ध]

 

1+
Posted on

डॉ. प्रेरणा पारवे-सिंह यांच्या कथेला पुरस्कार

0

आपण सहज लेखनाला सुरुवात करतो. काव्य लेखन करता करता कथा लिहिण्याचा प्रयत्न करतो. कला शाखेची कुठलीच पार्श्वभूमी नसताना हे अवजड शिवधनुष्य पेलण्याचा प्रामाणिक प्रयत्न करतो.. प्रामाणिक याकरता, कारण कथा लिहिण्यापूर्वी कथाकार तिचा तांत्रिकदृष्ट्या संपूर्ण अभ्यास करून, ती अक्षरशः जगून बघतो आणि मगच लेखनाचे स्वतःचे विशेष तंत्र वापरून ती प्रत्यक्षात उतरवतो… अनेक टिकांना तोंड देत, लेखनाचे धाडस करतो. आपण हे करू शकलो हे माझ्याचसाठी अविश्वसनीय आहे.
पण आपली कथा ज्यावेळी fb तून लोकांच्या वाचनात येते ..त्याला मिळालेला प्रतिसाद ही अतिशय आनंदाची गोष्ट ठरते . त्यात जेव्हा राज्यस्तरीय स्पर्धेत शेकडो जाणकार लेखकांच्या कथांमधून आपल्या कथेची निवड केली जाते. एका प्रतिष्ठित मंचावर अतिशय अनुभवी परीक्षक आणि समीक्षक यांच्या उपस्थितीत आपल्या कथेला विशेष पारितोषिक मिळावे यासारखे दूसरे सुख नाही .
चार दिवस डोकं भंजाळून, रात्री जागून लिहिलेल्या कथेचा आज प्रवास पूर्ण झाला असेच वाटते .
इतका मोठा आनंद तुमच्याशिवाय कसा साजरा व्हावा ..तर मित्रांनो ह्या यशाचे श्रेय तुम्हांला ! तुम्ही वेळोवेळी दिलेल्या प्रेमात ..आपुलकीत माझी ऊर्जा दडली आहे .

महाराष्ट्र साहित्य परिषद
कल्याण शाखाने आयोजित केलेल्या
राज्यस्तरीय कथा लेखन स्पर्धेत ,

विशेष उल्लेखनीय कथा म्हणून माझ्या ‘उंदीरवाडी’ कथेची निवड झाली, सोहळा नयनरम्य होता . दिग्गजांचे मार्गदर्शन लाभले .हा अविस्मरणीय क्षण ह्या सुंदर स्मृतीचिन्हाद्वारे आयुष्यावर कायमचा कोरला गेला .

उंदीरवाडी ही कथा कल्याणच्या सोळा वर्षाची परंपरा असलेल्या वार्तासूत्र या दिवाळी अंकात समाविष्ट झाली आहे .
धन्यवाद .

परीक्षक इकबाल मुकादम सर
भिकू बारस्कर सर
राजीव जोशी सर
महाराष्ट्र साहित्य परिषद
कल्याण शाखा

सर्वांचे प्रेम आणि आशीर्वाद अखंड असु दया .
Anuradha Burande Wadekar तुझे विशेष आभार !
डॉ .प्रेरणा पारवे – सिंह

0
Posted on

मु.पो.कविता… कवितेवर प्रेम करणाऱ्या प्रत्येकासाठी !

1+

कविता हा तसा प्रत्येक मराठी माणसाच्या जिव्हाळ्याचा विषय. म्हणूनच कवींना मानसन्मान देणं, कविसंमेलनाला गर्दी करणं, मनमुराद दाद देणं हे मराठी साहित्यक्षेत्रात नवीन नाही. कविता लिहिणं व लिखित-मौखिक माध्यमातून ती रसिकांपर्यंत पोहोचवणं हे मराठी साहित्यात गेली अनेक वर्षं घडतंय. 

कवी मंगेश पाडगावकर, विंदा करंदीकर आणि वसंत बापट या त्रिकुटाने खऱ्या अर्थाने महाराष्ट्रभर काव्यवाचनाचे कार्यक्रम करून मराठी कविता सर्वदूर पोहोचवली. त्यानंतरच्या पिढीतही अरुण म्हात्रे, अशोक बागवे, सौमित्र, नलेश पाटील, अशोक नायगावकर यांनी कवितावाचनाचे अनेक कार्यक्रम केले.



मराठी काव्यवाचनाची हीच परंपरा पुढे नेण्याच्या हेतूने पेशाने शिक्षक व कवी असणाऱ्या संजय शिंदे यांनी आपल्या काही तरुण मित्रांना सोबत घेऊन दोन वर्षांपूर्वी अष्टगंध ही कला संस्था स्थापन केली आणि मु.पो.कविता नावाचा काव्यवाचनाचा एक आगळावेगळा कार्यक्रम मराठी रसिकांसमोर आणला.
मराठी कवितेतले वेगवेगळे काव्यप्रकार, वेगवेगळ्या आशयाची कविता, जुन्या-नव्या पिढीच्या दर्जेदार कविता रसिकांपर्यंत पोहोचवण्याचे उद्दीष्ट साध्य करत मु.पो.कविता कार्यक्रमाचे आजवर एकूण १३ प्रयोग झाले. आजवर एकूण ६५ कवींनी मु.पो.कविता कार्यक्रमातून आपल्या विविधांगी कविता सादर केल्या. या कवींमध्ये सतीश सोळांकुरकर, संजय चौधरी, प्रसाद कुलकर्णी, भगवान निळे, अन्वर मिर्जा, संगीता अरबुने, अनुराधा नेरुरकर, योगिनी राऊळ, छाया कोरगावकर, भाव सुधा, रेश्मा कारखानीस, सुधीर मुळीक, प्रशांत वैद्य, गोविंद नाईक, गणवेश नागवडे, सदानंद बेंद्रे, जनार्दन म्हात्रे, मंदार चोळकर, समीर सावंत, सतीश दराडे,सायमन मार्टिन, साहेबराव ठाणगे, गणेश नागवडे, जयदीप जोशी, प्राजक्त देशमुख, वैभव देशमुख, आनंद पेंढारकर, हेमंत राजाराम, अशा दिग्गज कवींचा समावेश आहे.
बदलत्या काळाची स्पंदने अचूकपणे टीपणाऱ्या तरुण पिढीतील गजानन मिटके, पंकज दळवी, प्रथमेश पाठक, जयेश पवार, गीतेश शिंदे, सचिन काकडे, विजय बेंद्रे, प्रवीण खांबल, उमेश जाधव, गुरुप्रसाद जाधव, अमोल शिंदे, केतन पटवर्धन, यामिनी दळवी, शिल्पा देशपांडे, पूजा भडांगे, स्वाती शुक्ल, पूजा फाटे, राधिका फराटे, प्रथमेश तुंगावकर, विजय उतेकर, आकाश सावंत, शशिकांत कोळी, बंडू अंधेरे, सूरज उतेकर, आनंद रघुनाथ, जितेंद्र लाड, विशाल राजगुरू, सुशांत खुरसाळे, सत्यजित पाटिल, श्रीपाद जोशी, प्रशांत केंदळे, भालचंद्र भूतकर यांनीही मु.पो.कविता कार्यक्रमात आपल्या कविता सादर केल्या आहेत.


आज मराठीत अनेक कवीसंमेलने होतात. पण कवी, त्यांच्या कविता, कार्यक्रमाची बांधणी, सजावट या बाबतीत या संमेलनांकडे गंभीरपणे पाहिले जात नाही. कवीला अत्यंत शांत वातावरणात, तन्मयतेनेे स्वतःची कविता सादर करता यावी व रसिकांना तितक्याच तन्मयतेने, एकाग्रतेने तिचा आस्वाद घेता यावा या उद्देशाने कार्यक्रमाचा दर्जा टिकवण्याचं आव्हान मु.पो.कविता या कार्यक्रमाने गेल्या १३ प्रयोगापर्यंत लीलया पेललेलं आहे.
जयेश पवार, रोहन कोळी, प्रवीण लोहार, विशाल पाटिल, अभिजीत तर्फे, सुभाष पवार, सुधीर मुळीक, अभिजीत डोंगरे, शिवकुमार, मनोज, विजय, अमोल या टीमने आजवर या कार्यक्रमाचं नेपथ्य, प्रकाशयोजना, छायाचित्रण व दर्जा उंचावण्याच्या दृष्टीने आवश्यक असलेली सर्व जबाबदारी आत्मीयतेने सांभाळली आहे .


कविसंमेलनाच्या इतर कार्यक्रमासारखा एकसूरीपणा या संमेलनाला येवू नये व वेगवेगळ्या स्वरूपात मराठीतली दर्जेदार कविता रसिकांपर्यंत न्यावी यासाठी संस्थेने ‘कविता लोभसवाणी’ व ‘एका कवीच्या दुःखाचे भाषांतर’ हे दोन वेगळे कार्यक्रम केले. कविवर्य अशोक बागवे, नाटककार प्रेमानंद गज्वी, कवी किशोर पाठक हे मान्यवर या कार्यक्रमाला उपस्थित होते.
मु.पो.कविताच्या सर्व कार्यक्रमाचे निवेदन ही संकल्पना ज्यांना सुचली ते कवी संजय शिंदे स्वतः करतात. सर्व कवींचा परिचय देऊन, त्या कवींच्या कवितांचे काही निवडक, प्रभावी तुकडे सादर करत अत्यंत दिलखुलासपणे संजय शिंदे या कार्यक्रमाचं निवेदन करतात.
मु.पो.कविताने इथून पुढेही रसिकांना कवितेची मेजवानी सातत्याने देत राहावी हीच सदिच्छा !!

1+
Posted on

चुकवू नये अशी लेखन कार्यशाळा: महाराष्ट्र साहित्य परिषद, पुणे आणि साहित्य सेतू यांच्या संयुक्त विद्यमाने,

2+

महाराष्ट्र साहित्य परिषद, पुणे आणि साहित्य सेतू यांच्या संयुक्त विद्यमाने,

लेखन कार्यशाळा 

▪ कथालेखन ( २९ ऑक्टोबर )

▪ कादंबरीलेखन ( १२ नोव्हेंबर )

▪ कविता आणि गझल (२६ नोव्हेंबर )

▪ ब्लॉगवरील लेखन ( २४ डिसेंबर ) आणि

▪ लेखक -तंत्रज्ञान आणि सोशल मीडिया (२१ जानेवारी २०१८)

नोंदणी कशी करावी ?

१) सोबत जोडलेला कार्यशाळेचा नोंदणी अर्ज भरावा व साहित्य सेतूच्या वरील बँक खात्यामध्ये कार्यशाळेचे शुल्क भरावे.त्यासोबत आधार किंवा पॅन कार्डची छायांकित प्रत जोडून ती साहित्य सेतूच्या पत्त्यावर पाठवावी.

२) नोंदणी अर्ज भरून, शुल्क  खात्यामध्ये भरून त्याची पावती आणि ओळखपत्र स्कॅन करून namaste@sahityasetu.org या ई – मेलवर पाठवावे.

३) नोंदणी अर्ज भरून, शुल्क बॅंक खात्यामध्ये भरून त्याची पावती आणि ओळखपत्र 7066251262 या क्रमांकावर व्हॉट्स अ‍ॅपनेदेखील पाठवता येईल.

४) ऑनलाईन नोंदणी साठी खालील लिंकवर क्लिक करा.

www.sahityasetu.org/karyshala

सोबत वेळापत्रक, माहितीपत्रक आणि नोंदणी अर्ज जोडला आहे.

कार्यशाळेचे शुल्क :

कार्यशाळांसाठी सहभाग शुल्क : प्रत्येक कार्यशाळेसाठी १५००/- प्रति व्यक्ती

महाविद्यालयीन विद्यार्थी आणि २५ वर्षांपेक्षा कमी वय असणाऱ्यांसाठी शुल्क : १०००/-  प्रति व्यक्ती

बँक खात्याची माहिती :

बँकेचे नाव : बँक ऑफ महाराष्ट्र

खात्याचे नाव : साहित्य सेतू, खाते क्रमांक : 60291912085

शाखा : डेक्कन जिमखाना, पुणे  IFSC Code : MAHB0000003

साहित्य सेतू

६२२, जानकी रघुनाथ, पुलाची वाडी, झेड ब्रिजजवळ, डेक्कन जिमखाना, पुणे – ४११००४.

व्हॉट्सअ‍ॅप: ७०६६२५१२६२  तुषार पाटील – ९५५२८५८१००  आरती घारे –  ९४२०८५९८९३    

दूरध्वनी – (०२०) २५५३४६०१     ई-मेल –namaste@sahityasetu.org  

 

2+
Posted on

‘लिलियनची बखर’- पुस्तक परिचय

2+

‘लिलीयनची बखर’
लेखक: अनंत सामंत
प्रकाशक: मॅजेस्टिक पब्लिशिंग हाऊस

म्हणावं तर ऐतिहासिक किंवा सत्यकथा असणार हे पुस्तक, इतिहासाने किती नररत्न आपल्या उदरात सामावून घेतले आहेत याचा उत्कृष्ट नमुना आणि त्यापैकीच एक असणारा ‘राजा कृष्णाजी भट’ यांच्याबद्दल सांगणारे हे पुस्तक.
साधारणपणे कान्होजी आंग्रे यांच्यानंतर समुद्रावर दहशत निर्माण करणारा हा योद्धा. हा राजा तसा मराठेशाहीतीलाच, पण ना याची कोणती जहांगीर, ना कोणती वसाहत, ना कोणता राज्याभिषेक, ना कोणता बडेजाव. बाकी याचं स्वतःच अस असणार एकमेव जहाज ज्याच नाव ‘दुर्गा’ आणि त्याच्यावर त्याच स्वतःच अस फडकणार निशान ते म्हणजे पांढऱ्या झेंड्यावर स्वस्तिक. या झेंड्याची व गलबताची जरब इंग्रज, पोर्तुगीज तसेच सिद्द्यांना सुद्धा होती.
पुस्तकाची सुरवात ऐतिहासिक पुराव्याने होते. साधारणपणे जून १७२७ च्या आसपासच्या काळातील झालेल्या घडामोडी यात चितारण्यात आल्या आहेत. राजा कृष्णाजी भट, इंग्रजांचा चीफ एजंट सर गिफर्ड, गिफर्ड ची नात शोभावी अशी पण त्याची असणारी तिसरी बायको लिलीयन गिफर्ड व बऱ्याच जहाजांवर मर्दुमकी गाजवलेला कॅप्टन कॅम्पबेल यांच्याशी निगडित असणाऱ्या गोष्टी यात मांडण्यात आल्या आहेत.
लंडन मध्ये एका रिकाम्या वाड्यात काही हस्तलिखित सापडली. काही इतिहासकारांच्या मते त्यातील हस्ताक्षर हे लिलीयन गिफर्ड यांचे असावेत व त्या नोंदीवर आधारित हे पुस्तक असल्याने यास “लिलीयनची बखर” हे नाव देण्यात आलं असावं.
बंडखोर, अन्यायाची चीड असणारा कृष्णाजी भट हा तितकाच सुसंस्कृत व एखाद्या इंग्रजाला लाजवेल अशी इंग्रजी बोलतो. हा योद्धा अरबी समुद्रात होणाऱ्या इंग्रज, पोर्तुगीज व सिद्दी याच्या जहाजाच्या वाहतुकीवर दहशत ठेवून त्यांच्याकडून खंडणी वसूल करून ती वेगवेगळ्या उपयोगी कारणा करिता खर्च करतो. अशाच एका ‘डेस्टिनी’ या इंग्रज जहाजाला पकडल्यावर त्याचा सापळा रचून डेस्टिनीला वाचवायला येणाऱ्या ‘क्रिस्टल’ ह्या सर गिफर्डच्या जहाजाला कावेबाज व शिताफीने शरण येण्यास भाग पाडून त्याबदल्यात पन्नास हजार पौंडची मागणी व त्याबदल्यात खुद्द सर गिफर्डची असणारी तिसरी बायको लिलीयन गिफर्ड हिस ओलीस ठेऊन घेणे हे एखाद्या हॉलिवूड चित्रपटासारखं लेखकाने या पुस्तकात मांडलंय. या सर्वातून सुटता यावं म्हणून सर गिफर्ड ने केलेला विश्वास घातकीपणा व कप्तान कॅम्पबेल चा धुर्तपणा सुद्धा यात उत्कृष्ट पणाने मांडलाय. लिलीयन ला ओलीस ठेवल्यावर तिचा असणारा कृष्णाजी भटा बद्दल चा तिरस्कार व पुढे जाऊन त्या तिरस्काराचे होणारे प्रेमात परिवर्तन त्यांनतर सुद्धा कृष्णाजी भटा ने इंग्रजांच्या हृदयात भरवलेली धडकी हे वाचण्याजोगे आहे .
हे पुस्तक वाचताना एखादा हॉलिवूडपट डोळ्यासमोर चालू आहे असं लिहल असून बऱ्याच वेळेला ‘पायरेट्स ऑफ कॅरेबियन’ या चित्रपटाची आठवण होते.

– महादेव कुंभार

2+
Posted on

कालिकाई मनोकामना – दिवाळी अंक (वास्तू विशेष)

1+


घर बघावं बांधून ही आता पूर्वीपेक्षाही जटील समस्या होवून बसली आहे. शहरामध्ये घर घेणं, ब्लॉक घेणं आता स्वप्न होत चाललयं. विभक्त कुटुंबामुळे परवडणारी छोटी घरं व नंतर कमी पडणारी जागा त्यामुळे घरांच्या मागण्या वाढू लागल्या आहेत. प्रत्येकाची मागणी, गरजा व आवड यांना परवडतील अशी घरे, ब्लॉक, बंगले बांधून देणाऱ्या व्यक्ती व संस्था पुढे येवू लागल्या. आता फक्त चार भिंतींचे घर एवढीच गरज नाही तर त्याही पलिकडे जावून आसपासचा परिसर, शाळा, बाजार, कामाचे ठिकाण यांना जवळ पडणारे, वास्तुशास्त्र केलेले व योग्य सजावट, दिशा प्रकाश योजना सोयीसुविधा यांचाही विचार होवू लागला आहे व त्यासाठी लागणारा पैसा, तो उभा करण्यासाठी लागणारे कर्ज, ते मिळवण्यासाठी कायदेशीर कागदपत्रे, ते देणारे बांधकाम व्यावसायिक, सोसायटीज, त्याचे कायदे नियम या सर्व विषयांना समोर ठेवून आपल्या जिव्हाळ्याचा हा विषय कालिकाई मनोकामनाने दिवाळी अंकासोबत हाताळला आहे व परिपूर्ण करायचा प्रयत्नही केला आहे.
कालिकाई मनोकामना मासिक
दिवाळी अंक (वास्तू विशेष)
किंमत : रुपये ९५/- फक्त
संस्थापक- संपादक – श्री हेमंत गणपत रेडीज
प्रकाशक – कालिकाई मिडिया प्रा. लि.
पत्ता : १०२, श्रीकृष्ण पार्क, राघोबा शंकर पथ, दत्त मंदिर जवळ,
चेंदणी, ठाणे (प.) ४०० ६०१
संपर्क : ९८२०७९४८४८ / ०२२-२५३६६३२४
#दिवाळी #अंक #मनोकामना #मासिक

1+
Posted on

Publication: Leaves of life By Meeran Chadha Borwankar

0

 

Leaves Of Life Paperback – 2017
by Meeran Chadha Borwankar (Author)
Meeran Chadha Borwankar, an IPS officer of Maharashtra, has a story to share with young girls and women. A story that is important, honest and pertinent. A story every young woman with dreams of making it big and leading a dignified life must read. It is the story of a small town girl from Punjab cracking the UPSC exam and battling for survival in a male dominated police department. Could she just strive or did she thrive?
Full of real life interesting anecdotes from her career, Meeran wants to share the lessons she learnt with the youth. She wants to flag some action points that would enable the young to steer their lives and careers in the right direction. She wants to contribute to enhancing leadership skills of the young. Hence along with wielding the baton, this police officer also decided to pick up the pen.
#Book Available On:
Amazon – https://goo.gl/HjSyCd

Flipkart – https://goo.gl/pkUuk4
VPindia – https://goo.gl/5NBmBF
#MeeranChadhaBorwankar #VishwakarmaPublications #Vpindia #Amazon #Flipkart #Author #IPS #Police
#LeavesOfLife

0
Posted on

बुकशेल्फ: महाराष्‍ट्राचे संस्‍कृतिसंचित

0

महाराष्‍ट्राचे संस्‍कृतिसंचित

हो! यावेळचा व्हिडीओ सादर करायला आमच्‍याकडून थोडा उशीर झाला. मात्र आम्‍ही ‘महाराष्‍ट्राचे संस्‍कृतिसंचित’ हे एक वेगळं पुस्‍तक तुमच्‍यासमोर घेऊन आलो आहोत. यावेळचा व्हिडीओ विशेष आहे, कारण ‘बुकशेल्फ’वर पुस्‍तकाच्‍या परिचयासोबत ते पुस्‍तक घडवणा-या तेवढ्याच वैशिष्‍ट्यपूर्ण उपक्रमाचीदेखील ओळख करून देण्‍यात आली आहे.

‘थिंक महाराष्‍ट्र डॉट कॉम’ हा महाराष्‍ट्राचे सामाजिक-सांस्‍कृतिक माहितीसंकलन करणारा राज्‍यव्‍यापी सामाजिक उपक्रम आहे. त्‍या उपक्रमाच्‍या वेबपोर्टलवरील निवडक लेखनाचे संकलन ‘महाराष्‍ट्राचे संस्‍कृतिसंचित’ या ग्रंथामध्‍ये वाचता येते. त्‍या ग्रंथात महाराष्‍ट्रातील वेगवेगळ्या प्रदेशांतील कर्तृत्‍ववान व्‍यक्‍ती, सामाजिक संस्‍था आणि गावोगावच्‍या सांस्‍कृतिक वैशिष्‍ट्यांची ओळख करून देण्‍यात आली आहे. पुस्‍तकाच्‍या आरंभी संपादक दिनकर गांगल यांनी लिहिलेला ‘मेंढालेखातील खुशी’ हा सचित्र लेख आहे. मेंढालेखा हे आदिवासी गाव नक्षलवादी टापूत येते. तेथील गावक-यांनी अशा गावात लोकशाही विकेंद्रीकरणाचा लढा यशस्‍वी करून दाखवण्‍याचा चमत्‍कार घडवला आहे. मलखांबाचा इतिहास आणि वैशिष्‍ट्ये विषद करणारा ‘खेळांचा राजा – मल्‍लखांब’, पुण्‍याच्‍या वैशिष्‍ट्याची ओळख करून देणारा ‘पुण्‍यातील मंडई विद्यापीठ’, तर ओवळेकरांची मनमोहक आणि चित्‍तवेधक अशी ‘फुलपाखरांची बाग’ असे लेख त्‍या ग्रंथाचे वैशिष्‍ट्य आहेत. पुस्‍तकाचा सविस्‍तर परिचय ‘बुकशेल्फ’च्‍या व्हिडीओमध्‍ये होईलच…

‘बुकशेल्फ’ची टिम या पुस्‍तकावर काम करत असतानाच ‘थिंक महाराष्‍ट्र’ने ‘महाराष्‍ट्राचे संस्‍कृतिसंचित’ या ग्रंथाचा दुसरा खंड प्रकाशित केला. आम्‍ही या व्हिडीओत केवळ पहिल्‍याच खंडाची ओळख करून दिली असली, तरी ते दोन्‍ही खंड तेवढेच वाचनीय आहेत. ते दोन्‍ही खंड ऑनलाइन खरेदीकरता उपलब्‍ध आहेत. ते विकत घेण्‍याकरता पुढील लिंकचा वापर करावा.

या लिंकवरून पुस्‍तक विकत घेतल्‍यास पुस्‍तकाच्‍या पोस्‍ट किंवा कुरिअर अशा खर्चावर सवलत मिळेल.

खंड एक – https://goo.gl/MbrT92
खंड दोन – https://goo.gl/d3fjWm

धन्‍यवाद.

– टिम ‘बुकशेल्फ’

0
Posted on

‘ही बाग कुणाची आहे’ प्रकाशित

0

 

 

 

 

 

 

 

 

संतोष वाटपाडे लिखित “ही बाग कुणाची आहे” या काव्यसंग्रहाचा प्रकाशन सोहळा आज संपन्न. या प्रकाशन सोहळ्यानंतर ‘गझल मुशायरा’ आयोजित करण्यात आला होता. हा मुशायरा अद्वितीय होण्याचे कारण ठरले याचे गझलकार.

सहभागी गझलकार पुढीलप्रमाणे: 
भुषण कटककर, सुप्रिया मिलिंद जाधव,
सतीश दराडे, सदानंद बेंद्रे,
विष्णू थोरे, रणजीत पराडकर,
निशब्द देव, प्रशांत केंदळे
आणि “ही बाग कुणाची आहे” ह्या काव्यसंग्रहाचे कवी संतोष वाटपाडे
प्रमुख पाहुणे मा. खलिल मोमिन आणि मा. कमलाकर आबा देसले
काव्यसंग्रह – “ही बाग कुणाची आहे”
कवी – संतोष वाटपाडे
किंमत – 125/-
मुखपृष्ठ चित्र – गोविंद नाईक
मुखपृष्ठ सुलेखन संकल्पना, मलपृष्ठ आणि कविता सुलेखन – निलेश गायधनी

0