Posted on

‘कुंकू ते दुनियादारी’ डाॅ.राजेंद्र थोरात

3+

चित्रपट हे माध्यम फक्त मनोरंजनात्मक न राहता ते प्रबोधन करताना दिसते. प्रगल्भ झालेला प्रेक्षक चित्रपटाकडे अभ्यासात्मक भूमिकेतून पाहत असतो. चित्रपट हे माध्यम दृक-श्राव्य असल्याने त्याचा प्रभावी परिणाम समाजातील विविध घटकांवर प्रत्यक्ष व अप्रत्यक्षरीत्या होतो. साहित्यातील कथा, कादंबरी, चरित्र, आत्मचरित्र, आत्मकथने, नाटके आदि साहित्य प्रकारावर सतत चित्रपटांची निर्मिती होत आहे. साहित्य आणि चित्रपटांच्या कक्षा प्रचंड रुंदावल्या आहेत. ठराविक प्रदेशाचाच विषय, ठराविक प्रदेशाचीच प्रमाणभाषा साहित्यनिर्मितीसाठी न वापरता शहरी, ग्रामीण, दलित, भटके, आदिवासी या समाजातील भणंग लोकजीवन, त्यांच्या परंपरा, त्यांचा व्यवसाय, त्यांची बोलीभाषा यांचे चित्रण साहित्यातून सतत मांडले जातात. परंतु चित्रपटांमध्ये अशा आशयाच्या त्या – त्या समाजातील बोलीभाषा आणि व्यवसाय यांचे चित्रण खूप कमी प्रमाणात दिसते. दिग्दर्शक हा खूप चांगला वाचक व समीक्षक असतो. साहित्यप्रकारातील विविधांगी विपुल वाचन तो करत असतो. दिग्दर्शकाला त्या साहित्यकृतीतील जाणिवा, संघर्षाचे चित्रण, वेगळ्या अंगाने व निराळ्या भूमिकेतून मांडलेला विषय, ज्वलंत प्रश्न, वास्तव घटना आशा स्वरूपातील लेखन चित्रपटनिर्मितीसाठी खुणावत असतात. अशा सकस आणि दर्जेदार साहित्यकृतींचे निर्माते व दिग्दर्शक चित्रपटांमध्ये माध्यमांतर करतात. साहित्याच्या निर्मितीनंतर फक्त सुशिक्षित वर्गच त्या साहित्याचे वाचन करू शकतात. ही साहित्यनिर्मितीची मर्यादा होय, परंतु त्याच साहित्यकृतीचे चित्रपटात माध्यमांतर झाले तर निरक्षर ते समीक्षकांपर्यंत त्या लेखकाचे विचार व दृष्टिकोन पोहोचविता येतो. किंवा वाचक व प्रेक्षक त्या साहित्यकृतीला चित्रपटांच्या माध्यमातून अनुभवू शकतात. साहित्यकृती पेक्षा चित्रपटाचे प्रेक्षक, अभ्यास अधिक असतात. म्हणून लोकप्रिय आणि चांगल्या साहित्यकृतीवर दर्जेदार चित्रपट बनविण्याची मोठी जबाबदारी दिग्दर्शकावर येते. चित्रपटांमध्ये पात्रे, संवाद, संगीत, प्रकाशयोजना, इत्यादींच्या साहाय्याने चित्रपटांची कथा, पटकथा एक सलग दृश्यांचा पट जिवंत अनुभव प्रेक्षकांना देते. म्हणून प्रेक्षकांच्या मनावर चित्रपटांतून मनोरंजन व प्रबोधन करणे सोयीचे होते. एक चित्रपट इतर भाषेमध्ये माध्यमांतरीत होत असेल तर त्याचा प्रेक्षकांवर प्रभाव जाणवतो. आज जुन्या गीतांचे, चित्रपटांचे रिमिक्स हिंदी चित्रपटांमध्ये जास्त प्रमाणात दिसून येतात. चित्रपटातील तोचतोपणा प्रेक्षकांना समीक्षकांना खूप काही नवीन देऊ शकत नाही. म्हणून आज दर्जेदार कथा-पटकथांची गरज दिग्दर्शकाला भासते. ही गरज एखाद्या साहित्यकृतीतून देखील दिग्दर्शक पूर्ण करत असतो. अनेक साहित्यातील कलाकृतींवर दर्जेदार चित्रपटांची निर्मिती झालेली आहे. डॉ. राजेंद्र थोरात यांनी ‘कुंकू ते दुनियादारी’ या ग्रंथाच्या माध्यमातून साहित्य आणि चित्रपटांची वाटचाल अधोरेखीत केली आहे. साहित्य आणि चित्रपटातील वेगवेगळ्या समाजजीवनातील निवडक अनुभव या कलाकृतीत प्रामाणिकपणे मांडण्याचा त्यांनी प्रयत्न केला आहे. कादंबरी ते सिनेमा पर्यंतचा प्रवास या ग्रंथामध्ये संशोधनात्मक पद्धतीने सांगितलेला आहे.

ह ना आपटे यांच्या कोरेगाव येथील सत्य घटनेवरील न पटणारी गोष्ट या कादंबरीवर १९३७ मध्ये व्ही शांताराम यांनी ‘कुंकू’ या सिनेमातून सामाजिक विषयावर भाष्य केले आहे.साने गुरुजी यांच्या ‘श्यामची आई’ या कादंबरीवर आधारित १९५३ मध्ये आचार्य अत्रे यांनी आईची महती ‘श्यामची आई’ या चित्रपटातून साने गुरुजी यांची आत्मकहाणी सांगितली आहे.
व्यंकटेश माडगूळकर यांच्या बनगरवाडी या प्रसिद्ध कादंबरीवर १९९५ मध्ये अमोल पालेकर यांनी ‘बनगरवाडी: एक भिंती नसलेले गाव’ नावाचा सिनेमा प्रदर्शित केला त्यातून धनगरांचे लोकजीवन प्रतीत होते.

गो.नी.दांडेकर यांच्या ‘जैत रे जैत’ या कादंबरीवर जब्बार पटेल यांनी १९७७ मध्ये ‘जैत रे जैत’ चित्रपटाची निर्मिती केली. या चित्रपटात ठाकर समाजातील धाडशी व संघर्षशीलतेची कहाणी प्रदर्शित केली आहे.हा चित्रपट कसा ‘संगीतमय’ आहे याचे विवेचन डाॅ.राजेंद्र थोरात यांनी केले आहे.साहित्यसम्राट अण्णाभाऊ साठे यांच्या वैजयंता या कादंबरीवर १९६१ मध्ये गजानन जागीरदार यांनी ‘वैजयंता’ या चित्रपटातून तमाशा कलेतील वास्तव प्रेक्षकांसमोर प्रदर्शित केले आहे.शांता गोखले यांच्या रीटा वेलिणकर या कादंबरीवर आधारित २००९ मध्ये रेणुका शहाणे यांनी ‘रिटा’ या चित्रपटातून समाजव्यवस्थेने स्त्रीला स्त्री म्हणून कसे उपेक्षित ठेवले. पारंपारिक व्यवस्थेमध्ये स्त्रीने अभिव्यक्ती स्वातंत्र्याचा पुरस्कार करत स्वतःकडे बघण्याचा अँगल बदलला पाहिजे असा संदेश दिला आहे.

चारुता सागर यांच्या दर्शन कथेवर तसेच राजन गवस यांच्या भंडारभोग व चौंडकं या कादंबरीवर आधारित २००९ मध्ये संजय पाटील व राजीव पाटील यांनी ‘जोगवा” या सिनेमातून जोगते – जोगतिणींच्या आयुष्यातील विदारक वेदनांचे चित्रण केले आहे. अजय-अतुल यांच्या संगीतामुळे हा सिनेमा अफाट लोकप्रिय झाला. आनंद यादव यांच्या नटरंग या कादंबरीवर आधारित २०१० मध्ये रवी जाधव यांनी नटरंग हा सिनेमा प्रदर्शित केला. तमाशातील कलावंतांचे जगणे, त्यांच्यावर होणारे अत्याचार, नाच्याची होणारी बदनामी, फलकं, हेमला असे हिनवणे यांचे वर्णन कादंबरी व सिनेमातून आले आहे. नटरंग कादंबरी व सिनेमा दर्जेदार असून वाचक व रसिकांचा चांगला प्रतिसाद मिळाला. हेच या कलाकृतीचे यश आहे.

सुहास शिरवळकर यांच्या दुनियादारी या कादंबरीवर संजय जाधव यांनी 2013 मध्ये दुनियादारी सिनेमा प्रसिद्ध केला. मैत्रीसाठी जीवाचं रान करणारे जिगरी दोस्त, कट्यावरची धमाल, तसेच कादंबरी व चित्रपटातील पात्रे वाचक व प्रेक्षकांच्या लक्षात राहतात. इत्यादी चित्रपटांच्या निर्मितीप्रक्रियेचा प्रत्येय वाचक आणि प्रेक्षकांना येतो. साहित्य आणि चित्रपट याकडे किती सूक्ष्मपणे पाहायला हवे याचा प्रत्यय हा ग्रंथ वाचताना जाणवते. साहित्य आणि चित्रपट या संशोधनात्मक व तुलनात्मक अनुबंधांतून ‘कुंकू ते दुनियादारी’ हा ग्रंथ साकार झाला आहे.’माध्यमांतर’ या विषयावर लेखन करणारे खूप मोजके लेखक आहेत. या विषयावर विविध अंगाने लेखन करणाऱ्या नवोदित लेखकांना या मौलिक ग्रंथाचा उपयोग होईल. साहित्य आणि चित्रपटांचा अभ्यास करताना मला हा ग्रंथ मार्गदर्शक वाटतो.

प्रा.प्रवीण जाधव
संपर्क क्रमांक ९६०४१११३०५
मराठी विभाग प्रमुख,
श्री मुलिका देवी महाविद्यालय निघोज
ता.पारनेर,
जि.अहमदनगर


‘कुंकू ते दुनियादारी’
डाॅ.राजेंद्र थोरात
चपराक प्रकाशन,पुणे
संपर्क:७०५७२९२०९२
पृष्ठ-१२८
मूल्य-१३०

3+
Posted on

मालवणी कथा, कविता स्पर्धा

0

अभिनंदन एक शब्द अपुरो वाटता ..
ब्रोनाटो.कॉम चे सर्वेसर्वा शैलेश खडतरे अन मी मालवणीसाठी एक छोटंसं स्वप्न बघितलं. मालवणी भाषा रसिकांच्या फक्त घरापर्यंत नव्हे तर त्यांच्या मोबाईल, किंडल सारख्या आधुनिक तंत्रज्ञानाच्या माध्यमातून मनापर्यंत पोचली पाहिजे हाच उद्देश घेऊन गेल्या वर्षीपासून डिजिटली मालवणी कथा स्पर्धा घेण्याचं ठरवलं .. २०१८ मध्ये पहिल्याच वर्षी चांगला प्रतिसाद मिळाला.. आमच्या स्वप्नांना पूर्णत्वास नेल्यास ग्लोबल मालवणी या सामाजिक संस्थेची अनमोल साथ लाभली ..

नवोदित साहित्यिकांसाठी स्वलिखित कथा- काव्य स्पर्धा आयोजित करून मालवणी भाषा संवर्धन करण्याचा प्रामाणिक प्रयत्न केला गेला. जिल्ह्यातील नवोदित साहित्यिकांना प्रोत्साहन व व्यासपीठ मिळावे, त्याद्वारे सिंधुदुर्ग जिल्ह्याचा पर्यायाने मालवणी साहित्यिक वारसा जपला जावा हा या स्पर्धेचा मुख्य हेतू होता. या कथा-काव्य स्पर्धेत जिल्ह्यातून २५९ लेखक, कवींनी सहभाग घेतला. नवनवीन विषय,नव्या दमाची लेखणीची ताकद अन मालवणी साहित्य दर्जा यांचा संगम या स्पर्धेच्या निमित्ताने दिसून आला. या स्पर्धेसाठी प्रसिद्ध मालवणी साहित्यिक श्री.प्रभाकर भोगले यांनी परीक्षक म्हणून काम पाहिले. सदर स्पर्धेचे नियोजन नितीन नाईक यांनी केले.. स्पर्धेतील निवडक कथा, कविता यांचे मिळून ब्रोनाटो डॉट कॉम यांच्या मार्फत ई बुक तयार केलं जाईल.विजेत्या पहिल्या पाच कथा लेखकांना तसेच पहिल्या दोन कविता लेखकांना ग्लोबल मालवणी संस्थेकडून पारितोषिके प्राप्त होतील.
तर कथा आणि काव्य विभागातील प्रथम पारितोषिक
विजेत्यांना रोख रक्कम, ग्लोबल मालवणी सन्मानचिन्ह, ब्रोनाटो डॉट कॉम कडून प्रशस्तीपत्र जाहीर करण्यात आले आहे …
सदर स्पर्धेचा निकाल पुढीलप्रमाणे (कंसात क्रमांक व कविता/ कविता )
कथा विभाग …
*सरिता पवार (पहिला : फेरो)*,
*कल्पना मलये (दुसरा:तांबडा कलाम ),*
*अर्चना परब (तिसरा: म्हापुरुस)*
*नितीन राणे (चौथा :सकलोज फेणी)*
*न्हयवरली भेट (पाचवा:पूर्णिमा मोरजकर)*
काव्य विभाग

*अश्विनी परब (प्रथम: विटाळ)*

*श्रेयश शिंदे (द्वितीय: रोम्बाट)*

मी नितीन नाईक तुम्हा सर्व मायबाप लेखकाचे आभार व्यक्त करतो ..आमच्या सोबत वटवृक्ष म्हणून असलेल्या ग्लोबल मालवणी संस्थेचे अध्यक्ष Sachin Acharekar अन त्यांच्या संपूर्ण टीम चे आभार .. मा. Prabhakar Bhogle आपच्या स्पर्धेसाठी परीक्षक म्हणून लाभले त्यांचेही आभार .. भावासारखा मित्रा Shailesh Khadtare तुझे ही मनापासून आभार .. आणि ही स्पर्धा यशस्वी करण्यासाठी आम्हाला लाभलेल्या त्या प्रत्येक लेखक, कवी अन इतर व्यक्तींचे आभार …

विजेत्यांचे साहित्य तुम्हाला लवकरच ईबुक च्या स्वरूपात ऍमेझॉन किंडल आणि गूगल प्ले बुक्स वर विनामूल्य उपलब्ध होईल . www.bronato.com वर अपडेट दिले जातील ..

#मालवणी भाषा मोठी अन समृद्ध होवक होई ह्यासाठी केलेलो ह्यो प्रयत्न ..अशीच साथ देत रव्हा ..

#आमकांतुम्हीमहत्वाचे

Archana Parab Nitin Rane Shreyash Shinde पूर्णिमा गावडे मोरजकर Sarita Chavan Kalpana Malaye Ashwini Sawant Parab

0
Posted on

BRONATO च्या ईपुस्तकांना मिळणार ISBN ओळख

0

लेखकांच्या गरजा आणि मागण्या पूर्ण करणे हे BROANTO चे नेहमीच उद्दिष्ट राहिले आहे. त्याचेच आणखीन एक पाऊल म्हणून आता BRONATO तर्फे प्रकाशित होणाऱ्या सर्व ईपुस्तकांना International Standard Book Number (ISBN) ओळख दिली जाणार आहे.

 

0
Posted on

साहित्यिकांसाठी #BRONATO हेल्पलाईन सुरु

3+

साहित्य क्षेत्रात नवनवीन संकल्पना राबवण्यात BRONATO नेहमीच आग्रही असते. मग मराठीमध्ये जागतिक दर्जाच्या ईपुस्तक प्रणालीचा वापर, प्रसार व प्रचार असो, समाज माध्यमांवर कृतिशील राहून वेगवेगळ्या विषयांवरच्या लेखनस्पर्धा घेऊन नव्या लेखकांना प्रोत्साहन देणे असो; BRONATO नेहमीच प्रयोगशील राहिले आहे.
ईपुस्तक प्रकाशनाच्या निमित्ताने २०१४ पासून ब्रोनॅटो चा लेखक, लेखिका, कवी, सदारकर्ते, नाटककार, व्यावसायिक मुद्रितशोधक, मुखपृष्ठ विशारद अशा विविध अंगाने साहित्याशी संबंधित असणाऱ्या तज्ज्ञ मंडळींशी संपर्क आला त्यांच्याशी व्यावसायिक तसेच वैयक्तिक नाते संबंध जुळले. #BRONATO च्या संपर्काचे जाळे हे महाराष्ट्रातील महानगरे, गाव पातळी पासून ते थेट अमेरिकेपर्यंत पोचले आहे व वाढत आहे.

या प्रवासादरम्यान आम्ही जे काही शिकलो, जे अनुभवले, कळले, जे जाणवले व जे काही थोडेबहुत संचित जमवता आले त्याचा फायदा अनेकांना मिळावा या हेतूने ब्रोनॅटो घेऊन येत आहे #BRONATOहेल्पलाईन.

स्वतःचे पुस्तक प्रकाशित करताना अनेक नव्या होतकरू लेखकांना अडचणींना तोंड द्यावे लागतेच शिवाय वरिष्ठ लेखकांचे देखील अनेक प्रश्न अनुत्तरित राहतात. अंधारात चाचपडत कसेतरी पुस्तक प्रकाशित केले जाते पण मग वितरण करण्याचे भले मोठे आव्हान डोळ्यांची झोप उडवणारे असते.

म्हणूनच लिखाण, साहित्य प्रकाशन, सादरीकरण, बाबतीत कोणतीही शंका असल्यास किंवा मार्गदर्शन हवे असल्यास शिवाय तुमच्या साहित्यिक उपक्रमांचा अधिक प्रचार व प्रसार करण्यासाठी #BRONATO हेल्पलाईन च्या ९९७००५१४१३ या क्रमांकावर WhatsApp संदेश पाठवा.

तुमची समस्या समजून त्याचे निराकरण करण्यासाठी  किंवा उपक्रमाबद्दल अधिक जाणून घेण्यासाठी ब्रोनॅटो प्रतिनिधी तुम्हाला संपर्क करतील. या निःशुल्क सुविधेसाठी अट फक्त एकच आहे- संपर्क करणारी व्यक्ती व BRONATO एकाच WhatsApp ग्रुप चे सभासद असणे बंधनकारक आहे. साहित्याबाबत तळमळ असणाऱ्या आणि प्रामाणिकपणे झटणाऱ्या नेमक्या व्यक्तींच्या समस्या अचूकपणे सोडवण्यासाठी हि अट उपयोगी पडणार आहे. तरी जास्तीत जास्त साहित्यिकांना या हेल्पलाईन चा लाभ मिळावा यासाठी BRONATO ला तुमच्या साहित्यिक WhatsApp समूहात समाविष्ट करून घ्या.

हा संदेश इतर समूहांमध्ये पाठवाच शिवाय फेसबुक वरून देखील पोस्ट करा.

3+
Posted on

यशस्वी लेखक बनायचे आहे का ?

1+

*✍यशस्वी लेखक बनायचे आहे का ?*

*✍यशस्वी साहित्यिक म्हणुन करिअर करायचे आहे का ?*

साहित्य, लेखन आणि काव्य विषयांमध्ये करिअर करू इच्छिणाऱ्या नवोदित, धडपडणाऱ्या आणि प्रस्थापित लेखकांसाठी दर्जेदार मार्गदर्शनाची सुवर्णसंधी !

मराठीमध्ये एखादा *चेतन भगत, अमिश त्रिपाठी, हरिवंशराय बच्चन , गुलज़ार अथवा अरुंधती रॉय यांच्यासारखा यशस्वी लेखक* का निर्माण होत नाही ? मराठी लेखकांना *बुकर पारितोषिक, नोबेल पारितोषिक किंवा एखादे आंतरराष्ट्रीय कीर्तीचे पारितोषिक* का मिळत नाही ?

मराठी माणसामध्ये खरंतर प्रतिभा, सृजनशक्ती आणि क्षमता यांची जराही कमतरता नाही. जगातील दहाव्या क्रमांकाची बोलली जाणारी मराठी ही भाषा आहे. पण तरीही अशी परिस्थिती का आहे ? याचा शोध घेताना अनेक कारणांपैकी एक कारण म्हणजे *मार्गदर्शनाचा अभाव* हे आहे असे लक्षात आले.

त्यातूनच एक लाख लेखक आणि एक कोटी वाचक यांना जोडणारी अभिनव साहित्य चळवळ – साहित्य सेतूचे संस्थापक प्रा. क्षितिज पाटुकले यांनी *लेखन कार्यशाळा* ही अभिनव संकल्पना मांडली. *हिऱ्याला सुद्धा पैलू पाडल्याशिवाय खरी किंमत मिळत नाही.* महाराष्ट्र साहित्य परिषदेचे कार्याध्यक्ष प्रा. मिलिंद जोशी यांनी या संकल्पनेला सक्रिय पाठिंबा दिला. २०१७ साली पहिल्यांदा अशा कार्यशाळा आयोजित केल्या होत्या त्याला चांगला प्रतिसाद मिळाला.

महाराष्ट्र साहित्य परिषद आणि साहित्य सेतू यांनी संयुक्तरीत्या ऑक्टोबर २०१८ ते जानेवारी २०१९ दरम्यान खालील आठ कार्यशाळा आयोजित केल्या आहेत.

१) *व्यावसायिक लेखक बना*- कॉपीराईट, ISBN ,रॉयल्टी, ई-बुक, अमॅझॉन किंडल आवृत्ती, ऑनलाईन वितरण ( १४ ऑक्टोबर २०१८ )
मार्गदर्शक : अ‍ॅड. कल्याणी पाठक, भालचंद्र कुलकर्णी, विवेक वेलणकर, प्रा. क्षितिज पाटुकले,

२) *कथालेखन कसे करावे ?* ( २८ ऑक्टोबर २०१८ )
मार्गदर्शक : भारत सासणे, मोनिका गजेंद्रगडकर, मंगला गोडबोले, प्रा. मिलिंद जोशी

३) *कादंबरीलेखन कसे करावे ?* ( १८ नोव्हेंबर २०१८ )
मार्गदर्शक : रविंद्र शोभणे, राजेन्द्र खेर, निलिमा बोरवणकर, अंजली सोमण

४) *ब्लॉगलेखन कसे करावे ?* ( २५ नोव्हेंबर २०१८ )
मार्गदर्शक : भाऊ तोरसेकर, ओंकार दाभाडकर, प्रा. क्षितिज पाटुकले, राम जगताप

५) *गझललेखन कसे करावे ?* ( ०२ डिसेंबर २०१८ )
मार्गदर्शक : म. भा. चव्हाण, रमण रणदीवे, हिमांशू कुलकर्णी, राजन लाखे

६) *संशोधन पद्धती व उपयोजन* ( ०९ डिसेंबर २०१८ )
मार्गदर्शक : डॉ. अरुणा ढेरे, डॉ. मनोहर जाधव, रेखा इनामदार–साने, विलास खोले

७) *अनुवाद कसा करावा ?* ( १६ डिसेंबर २०१८ )
मार्गदर्शक : उमा कुलकर्णी, वर्षा गजेंद्रगडकर, चंद्रकांत भोंजाळ, भारती पांडे

८) *लेखक – तंत्रज्ञान आणि सोशल मीडिया* ( ०६ जानेवारी २०१९ )
मार्गदर्शक : मंदार जोगळेकर, दिपक शिकारपूर, प्रा. क्षितीज पाटुकले

*कार्यशाळेसाठी ऑनलाईन नोंदणी करता येईल.* www.sahityasetu.org या संकेतस्थळाला भेट द्या. आपल्याला या संकेतस्थळावर *www.sahityasetu.org/karyshala* येथे ऑनलाईन नोंदणी करता येईल.

*कार्यशाळेचे ठिकाण* – एम ई एस ऑप्टिमेट्री कॉलेज, पहिला मजला, पेरूगेट भावे हायस्कूल आवार, सदाशिव पेठ, पुणे ४११०३०

कार्यशाळांची संपूर्ण माहिती आणि अर्ज *७०६६२५१२६२* या व्हॉटसअप क्रमांकावर *‘कार्यशाळा’* किंवा *‘karyashala’* असा संदेश पाठवून मागवता येईल.

अधिक माहितीसाठी कार्यालयामध्ये प्रत्यक्ष भेट द्या. *पत्ता – ६२२, जानकी रघूनाथ, पुलाचीवाडी, झेड ब्रिज जवळ, ऑफ जंगली महाराज रोड, डेक्कन जिमखाना, पुणे-०४*. मोबाईल क्रमांक – *७५०७२०७६४५*

*कृपया हा मेसेज आपल्या सर्व व्हाट्स ग्रुप्स आणि कॉन्टॅक्टसना शेअर करा ही नम्र विनंती*

1+
Posted on

डिजिटल पब्लिशिंग कार्यशाळेत Bronato 

0

 

मुंबई येथील C-DAC येथे २८ सप्टेंबर २०१८ रोजी ‘डिजिटल पब्लिकेशन कार्यशाळा’ आयोजित करण्यात आली होती.

Continue reading डिजिटल पब्लिशिंग कार्यशाळेत Bronato 

0
Posted on

हिरजची हिरकणी अाणि चुंगीची पोरं। Bookshelf

0

आंतरराष्ट्रीय कीर्तीचे शास्त्रज्ञ डॉ. भास्कर थोरात यांनी त्यांचे अात्मकथन ‘हिरजची हिरकणी अाणि चुंगीची पोरं’ या पुस्तकातून मांडले अाहे. सहा विभागात विभागलेल्या त्या अात्मकथनाला संस्कार अाणि अनुभव अशा दोन घटकांची बैठक अाहे. Continue reading हिरजची हिरकणी अाणि चुंगीची पोरं। Bookshelf

0
Posted on

एक दिवस… कवितेसाठी !

0

● एक दिवस… कवितेसाठी ! या उपक्रमातील मान्यवर वक्ते/कवी, विषय, कार्यक्रमाची रूपरेषा व इतर सर्व तपशीलासह कार्यक्रमाची सविस्तर माहिती…!

Continue reading एक दिवस… कवितेसाठी !

0